+12 °С
Ямғыр
Бөтә яңылыҡтар
«101 әкиәт» тыңлағыҙ!
«Тамыр» телеканалы хеҙмәткәрҙәре телевизор экрандарынан сығып, балалар өсөн матур сараларҙы, йәнле осрашыуҙарҙы күпләп үткәрә башланы. «Родина» кинотеатрында «Туған тел сәғәте» тигән акция бара. «Тамыр»ҙың фильм-әкиәттәре күрһәтелә, уны төшөргән режиссёр, рәссам, операторҙар, актёрҙар менән осрашыу, күңелле уйындар ойошторола. Быға тиклем балалар «Тел асҡысы», «Умырзая», «Балҡас», «Ҡамыр батыр»ҙы ҡараған да инде.
Күптән түгел «Радость есть» кафеһында «101 әкиәт» аудиоальбомының исем туйы уҙҙы. Был тиклем әкиәтте тыңлап бөтөр өсөн 10 сәғәт ваҡыт кәрәк! Бик һәйбәт. Хәҙер әкиәт тыңлап йоҡлап киткән балалар күпме икән ул? Ҡыҙғанысҡа ҡаршы, Ер шары шәберәк әйләнә башланымы – ысынлап та, ваҡыт етмәй… Хәйер, һәр ғаиләлә әкиәт һөйләйҙәр, тип элек тә әйтеп булмай ине. Шулай ҙа халыҡ ижадын балаларға еткерергә тырышҡан өләсәй, олатай, әсәйҙәр генә түгел, атайҙар ҙа бар ул. «Тамыр»ҙар хатта «Әкиәтсе атай» тигән видеоконкурс та үткәрергә ҡарар иткән.
«101 әкиәт» атай-әсәйҙәргә, һис шикһеҙ, ҙур ярҙамсы буласаҡ. Кескәйҙәр уйнаған арала ла уны тыңлап, аңдарына һеңдереп йөрөй аласаҡ. Юлда саҡта машинала ла был дискыны ҡуйырға мөмкин. Балаларыбыҙ һәр башҡорт халыҡ әкиәтен белеп үҫергә тейеш.
Башҡорт телен һаҡлау, үҫтереү өсөн өйҙә генә үҙ телебеҙҙә һөйләшеү етмәй шул. Тимәк, башҡорт балалары өсөн тәғәйенләнгән ошондай саралар үткәрелеүе бик һәйбәт. Балалар баҡсаларында, мәктәптәрҙә ҡасан саф башҡорт төркөмдәре, синыфтары булыр икән? Аралашыу тулыһынса башҡортса барған. Башҡорт мөхите булған. Күп балалар нәҡ баҡсаға йөрөй башлағас, тиҫтерҙәренә эйәреп, үҙ телен онота. Киләсәккә ышаныс бар былай, депутаттарыбыҙ ҙа ҙур сараларҙа башҡортса һөйләшә башланы бит, Аллаға шөкөр.
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж