+12 °С
Ямғыр
Бөтә яңылыҡтар
«Сәғитов уҡыуҙары»на йыйылдыҡ
Иҫке Собханғол мәктәбендә фольклорсы-ғалим Мөхтәр Сәғитовтың тормош юлын һәм ижадын өйрәнеүгә бағышланған фәнни-ғәмәли конференция ойошторолдо. «Сәғитов уҡыуҙары» тип аталды ул.
Фәнни-ғәмәли конференция барышында башҡорт телендә – 11, урыҫ телендә – 2, инглиз телендә 2 тикшеренеү эше ҡаралды. «Тыуған яғым моңдары» һынауында – 10, бәйет һәм ҡобайырҙарҙы яттан башҡарыуҙа — 43, Мөхтәр Сәғитов әҫәрҙәре буйынса һүрәттәр төшөрөүҙә 42 уҡыусы үҙ хеҙмәтен яҡланы.
«Сәғитов уҡыуҙары» фәнни-ғәмәли конференцияһын асыу хоҡуғы Амалия Алтынбаева менән Рәсилә Сәғитоваға тейҙе. Улар тамашасыларҙы концерт номерҙары менән һөйөндөрҙө.
«Башҡорт теле» секцияһында – Нурзилә Һөйәрғолова, Айһылыу Исхаҡова, Луиза Ғәбитова, Гүзәлиә Манапова, урыҫ телендә – Айзилә Әхмәтова, инглиз телендә Анастасия Григорьеваның эштәре юғары баһаланды.
Йәнбулат Дәүләтҡужин, Сулпан Манапова, Айтуған Әминев, Гөлназ Биргәнова, Алина Хөснөтдинова, Юлиә Ғәбитова, Камилә Үҙәнбаева, Динә Вәлиева, Айсар Иҫәнамановтар бәйет һәм ҡобайырҙарҙы матур итеп һөйләне.
«Тыуған яғым моңдары» бар тамашасыларға ла хуш килде. Гөлсөм Баязитова, Венера Хәбибуллина, Динә Сафина, Элиза Мәхмүтова, Рузалина Әминевалар үҙ тауыштары менән бар жюри ағзаларын хайран итте.
Мөхтәр Сәғитов әҫәрҙәре буйынса һүрәттәр бәйгеһенә килгәндә, Зөбәржәт Рәхмәтуллина, Баййегет Сабитов, Инсаф Кәбиров, Марсель Әхмәтов, Арыҫлан Ҡолбаевтарҙың эштәре айырыуса маҡтауға лайыҡ.
Билдәле фольклорсы-ғалим, филология фәндәре кандидаты Мөхтәр Сәғитов уҡыуҙарында ҡатнашыусыларҙың сығыштары киләсәктә бер йыйынтыҡ булып баҫыласаҡ. Тыуған ерҙе, телде һаҡлауға йүнәлтелгән сара артабан да үткәрелер, тигән өмөттә ҡала ойоштороусылар.
Нурзилә ҒӘЛИЕВА,
урыҫ теле һәм әҙәбиәте уҡытыусыһы.
Бөрйән районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж