-8 °С
Болотло
Бөтә яңылыҡтар
Бер үҙе генә ҡалды
Ҡырҡ биштең Еңеү яҙы алыҫайған һайын ветерандарҙың сафы һирәгәйә бара. Беҙҙең Байдәүләт ауылы биләмәһендә лә бер генә яугир ҡалды. Ул – Ибрай ауылынан 95 йәшлек Ғимран олатай Ҡолмөхәмәтов.
1942 йылдың авгусында 18 йәшлек егеткә хеҙмәткә саҡырыу килеп төшә. Ул ваҡытта Мәсәүле яланында урғыс машина менән үлән, арыш сабып йөрөгән була.
– Һуғышҡа ингәндә иң алда – артиллерия, унан – танк. Танк алдынан – ПТР менән беҙ. Үҙең менән шешәлә яғыулыҡ йөрөтәһең. Уны иң һуңғы сиктә – өҫтөңә танк килеп менгәндә ҡулланаһың.
Днепр ҡып-ҡыҙыл ҡан, үлектәр аға. Көнө-төнө немец ракеталары яҡтырта. Һис сығыр әмәл юҡ, ә бойороҡ – йылға аша сығырға. Дошман ут яуҙыра ғына, ныҡ ҡырылды халыҡ. Ике ай этләндек ҙур һыуҙы сыға алмай. Аҙаҡ «Катюша»лар ярҙамға килде, аҫылмалы күперҙәр яһалды, – тип хәтерләй ветеран.
Һуғышта Ғимран олатай ике тапҡыр яралана, Төркмәнстанда алты ай госпиталдә ятып дауаланырға ла тура килә. Һаулығын бер аҙ нығытҡас, кире һуғышҡа алына. Шулай 1947 йылдың декабренә тиклем хеҙмәтен дауам итә.
Бөйөк Ватан һуғышы ветеранының I дәрәжә Ватан һуғышы ордены, унға яҡын миҙалы бар. Ул хәләл ефете Литария менән һигеҙ бала тәрбиәләп үҫтерә, ләкин тормош иптәше, ике улы һәм бер ҡыҙы гүр эйәләре инде.
Ҡотлайбыҙ һине байрамың менән, Ғимран олатай!
Сәүиә ҠОЛМӨХӘМӘТОВА.
Ейәнсура районы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж