+9 °С
Болотло
Бөтә яңылыҡтар
Шакирйән Мөхәмәтйәнов иҫтәлегенә
Фатима Мостафина исемендәге 20-се башҡорт гимназияһында Учалы йәштәре берлегенең әүҙем ағзалары Шакирйән Юныс улы Мөхәмәтйәновтың иҫтәлегенә һәм Бөйөк Ватан һуғышында еңеүҙең 75 йыллығына арналған I кубок уйындары ойошторҙо.
Сараның төп маҡсаты – йәштәр араһында дуҫлыҡ ептәрен нығытыу, спортҡа ылыҡтырыу, үҫеп килгән быуында Тыуған илгә ҡарата һөйөү тәрбиәләү.
Учалы яҡташтары берлеге рәйесе Азат Йыһаншин әйтеүенсә, йәштәр араһында бындай бәйгеләрҙең үтеүе ҙур әһәмиәткә эйә.
– Учалы йәштәренең тәҡдимен хуплап, ярышта ҡатнашырға теләк белдергән барлыҡ командаларға ла рәхмәт һүҙҙәрен еткерәм. Һеҙҙең өсөн әлеге мәлдә барлыҡ мөмкинлектәр бар. Берҙәм, татыу булығыҙ, барлыҡ ҡуйған маҡсаттарығыҙға ирешергә яҙһын! – тине ул үҙенең сығышында.
Бәйгелә республикабыҙҙың Урал аръяғы командалары ярышты. Барлығы 3 этаптан торған һынауҙар аша үтте улар. Беренсеһендә викторина һорауҙарына яуап биреп, белем кимәлдәрен тикшерһәләр, икенсеһендә ижади сығыштары аша һәләттәрен, маһирлыҡтарын күрһәттеләр. Бәйге спорт уйындары менән тамамланды.
Ярыш ҡыҙыу барҙы, һәр команда алдынғылыҡты бирмәҫкә тырышты. III урында – Баймаҡ һәм Бөрйән райондары, II урында – Әбйәлил районы, ә I урын яулап, төп приз – кубокка Учалы районы лайыҡ булды.
Барлыҡ командаларға ла дипломдар һәм бүләктәр тапшырылды.
Бәйге ҡатнашыусыларҙың күңел түрендә тик матур, яҡты тәьҫораттар ҡалдырҙы. Ойоштороусыларға рәхмәт һүҙҙәрен әйтеп, киләсәктә лә бындай ярыштарҙа әүҙем ҡатнашырға теләк белдерҙе улар.
Лидиә ДИНМӨХӘМӘТОВА.
Өфө ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж