+12 °С
Ямғыр
Бөтә яңылыҡтар
Уның батырлығы үлемһеҙ
5 февралдә башҡорт халҡының бөйөк улы, Советтар Союзы Геройы Александр Матросовтың (Шакирйән Мөхәмәтйәнов) тыуыуына – 96, ә үлемһеҙ батырлыҡ күрһәтеүенә 27 февралдә 77 йыл тула. Ошо уңайҙан III төбәк-ара акция иғлан ителгәйне. Ойоштороусыһы – Псков ҡалаһының үҙәк китапханаһы.
Был акциянан беҙҙең балалар китапханаһы ла ситтә ҡалманы. Иҫәнғолдағы башҡорт интернат-гимназияһының V – VI синыф уҡыусылары (етәкселәре – Клара Дәүләтбаева) өсөн «Уның батырлығы үлемһеҙ» тигән батырлыҡ сәғәте үткәрҙек. Сара барышында китапханасы балаларҙы дошман дзоты амбразураһын үҙ күкрәге менән ҡаплап һәләк булған батырыбыҙ, урыҫ фамилияһы менән энциклопедияларға ингән Александр Матросов (Шакирйән Мөхәмәтйәнов) менән таныштырҙы. Китапханала ойошторолған «Александр Матросов: батырлығы һәм яҙмышы» тигән күргәҙмәлә урын алған китаптарға ла туҡталып киттек. Бөйөк Ватан һуғышында күрһәткән батырлыҡтары өсөн Советтар Союзы Геройы исеменә лайыҡ булған ҡаһарман яҡташтарыбыҙҙы иҫкә алдыҡ.
Батырлыҡ сәғәтендә уҡыусылар Александр Матросовҡа бағышланған шиғырҙар һөйләне, уй-фекерҙәре менән дә бүлеште. Башҡорт теле уҡытыусыһы Клара Мырҙағәли ҡыҙы билдәле яҙыусы, журналист, Рәсәйҙең һәм Башҡортостандың атҡаҙанған мәҙәниәт хеҙмәткәре Рәүеф Насировтың «Ҡайҙан һин, Матросов?» исемле китабы менән таныштырҙы, балаларға уны уҡып сығырға тәҡдим итте.
Беҙгә бәхетле киләсәк бүләк иткән ыласындай яугирҙарҙы онотмайыҡ, һәр саҡ ҡәҙерләп иҫкә алайыҡ!
Гөлсиә ИЛТЕНБАЕВА, балалар китапханаһы мөдире.
Ейәнсура районы, Иҫәнғол ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж