+17 °С
Болотло
TelegramVKOK
Бөтә яңылыҡтар
19 Февраль 2020, 15:05

300 мең һалдат әйләнеп ҡайтмаған

Бөйөк Ватан һуғышы башланғас та меңәрләгән кеше республиканың хәрби комиссариаттарына яуға китергә теләп ғариза яҙа.

Хеҙмәткә яраҡһыҙҙар һәм олораҡ йәштәгеләр хеҙмәт әрмеһенә барырға теләк белдерә. 1941 йылдың 1 октябренән Башҡортостанда 16 – 50 йәшлек ир-егеттәрҙе хәрби һөнәрҙәргә уҡыта башлайҙар. Танк истребителдәре, автомат, пулемёт, миномёттан атыусылар, кавалерист, снайпер, связистар әҙерләйҙәр.
Һуғыш йылдарында Башҡортостандан хеҙмәт әрмеһенә 106 мең кеше демобилизациялана. Улар илдең төрлө тарафтарында төҙөлөштә, заводта, шахтала эшләй.
Республикабыҙҙан фронтҡа бөтәһе 710 мең кеше киткән, шуларҙың яҡынса 300 меңе һәләк булған, 50 меңе ғәрипләнеп ҡайтҡан.
Бөгөнгө тыныс тормош өсөн яуҙа ятып ҡалған олатайҙарҙы ономайыҡ, ветерандарыбыҙҙы хөрмәтләйек.
Читайте нас: