-4 °С
Ҡар
Бөтә яңылыҡтар
Башҡаса һуғыш булмаһын!
Гимназиябыҙҙа Александр Мәсәғүтовтың «Тылдағы ҡалала» («В тыловом городе») исемле китабының исем туйы үтте.
Автор шанлы һуғыш йылдарында Ишембай ҡалаһында барған ваҡиғалар тураһында яҙа. Нисек итеп халыҡтың Тыуған ил алдындағы бурысты үтәүен, яралы һалдаттарҙы аяҡҡа баҫтырыуҙа ҙур ярҙам күрһәтеүҙәрен тарихи яҙмалар аша тасуирлай.
Һуғыш ваҡытында ҡалабыҙҙа ике госпиталь урынлаша. Береһе бөгөнгө 1-се гимназия бинаһында булһа, икенсеһе – беҙҙең гимназияла.
Бөйөк Еңеүҙең 75 йыллығына арналған был осрашыуға хөрмәтле ҡунаҡтар ҙа килгәйне. Улар араһында госпиталдә эшләгән медицина хеҙмәткәрҙәренең балалары, Ишембай ҡалаһының «Феникс» әҙәби ойошмаһы вәкилдәре бар ине. Ә Александр Мәсәғүтов ҡыҫҡаса китабының эстәлеге, уны нисек яҙыуы, ниндәй сығанаҡтарға таяныуы хаҡында һөйләне. Һуғыш осоро балалары – бөгөн олоғайған инәй-бабайҙар госпиталдә эшләгән яҡындары тураһында иҫтәлектәре, уларҙан ишеткән хәтирәләре менән уртаҡлашты. Уҡыусыларҙың сәхнәлә һөйләгән һуғыш тураһындағы шиғырҙары халҡыбыҙға ҙур һынау булған йылдарҙы күҙ алдына баҫтырҙы. Балалар ҙа өлкән быуын кешеләренең хәтирәләрен йотлоғоп тыңланы. Зал шып-шым ине.
Интернат-гимназия етәкселеге ойошторған был осрашыу барыһына ла фәһемле булды. Башҡаса бындай һуғыш ҡабатланмаһын, тыныс тормошта ғына йәшәйек.
Фәүриә ЙӘЛИЛОВА, тәрбиәсе.
Ишембай ҡалаһы, Әхмәтзәки Вәлиди исемендәге 2-се башҡорт интернат-гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж