+12 °С
Ямғыр
Бөтә яңылыҡтар
Иҫтәлеккә – "Хәтер" китабы
Шаҡша биҫтәһендә йәшәүсе 97 йәшлек Бөйөк Ватан һуғышы ветераны Михаил Константинович Ғәлимов үҙенең ҡулъяҙмаларын тотоп, «Йәйғор» үҙәгенә килә.
Яугир яҙған әйберен компьютер аша баҫтырып биреүҙәрен һорай. Үҙәк директоры Елена Щипакина ҡулъяҙмаларҙы уҡып шаҡ ҡата: «Был бит иҫтәлекле яҙмалар!» Күп тә үтмәй, Бөйөк Ватан һуғышы ветераны хәтирәләрен туплап, «Хәтер» китабы сығара.
Әле яңыраҡ беҙҙең 47-се моделле балалар китапханаһында ветеран менән Елена Щипакина осрашыуҙа булды. Беҙ уларҙы 15-се балалар музыка мәктәбе уҡыусылары менән бергәләп ҡаршы алдыҡ.
Михаил Константинович үҙенең һуғыш юлдары тураһында һөйләне. Аҙаҡ китапханаға «Хәтер» китабын тапшырҙы. 78-се мәктәп кадеттары уға ҡәнәфер сәскәләре бүләк итте. Музыка мәктәбе уҡытыусылары музыкаль бүләк тә әҙерләгәйне. Альберт Хәйруллин баянда уйнаһа, Урал Хызыров һәм Ҡытай ҡунағы – Заһир Исмәғилев исемендәге Өфө сәнғәт институтының беренсе курс студенты Динь Ян һуғыш тураһында матур итеп йыр башҡарҙы. Урал Хызыров Владимир Высоцкийҙың «Ул яуҙан ҡайтманы» шиғырын һөйләне. Сығышты ҡарап ултырған ветеран ағайыбыҙҙың да күңеле күтәрелеп китте. «Землянка» йырын баянға ҡушылып йырлап ебәрмәһенме! Иҫ киткес тауыш! Бөтәһе лә ихлас алҡышланы. Һуңынан сәй, тәмлекәстәр менән һыйланыҡ ҡунаҡтарҙы. Барыһы ла бик ҡәнәғәт ҡалды.
Айгөл ЙӘҺҮҘИНА, китапханасы.
Өфө ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж