-7 °С
Ҡар
Бөтә яңылыҡтар
Өсмөйөшлө хаттар хәтер яңыртты
Йыл һайын 9 май етһә, ҡулыма өс олатайымдың фотоларын тотоп, «Үлемһеҙ полк»ка сығам.
Ошоға тиклем дә улар менән ҡыҙыҡһына инем. Ә был юлы ҡулыма Һәмән ауылында йәшәүсе Рәфҡәт олатайым Кинйәбулатовтың атаһы, минең ҡартатайым Хөснитдиндең һуғыштан яҙған өсмөйөшлө хаты килеп эләкте. Был иҫтәлек Билал мәктәбенең музейында һаҡланған. Ул хатта ошондай юлдар бар: «…ярай, Вазифа, һин балаларҙы яҡшы көт. Мин һау булһам, бер ҡайтырмын, дошманды бөтөргәс. Заһритдин улым, һиңә минән шул сәләм. Әсәйеңдең һүҙен тыңлап йөрө. Ҡустыларыңды һуҡмай-ҡаҡмай көт. Рәйес ҡустыңды уҡытырға тырыш. Үҙең инде уҡый алмаҫһың. Һау ҡайтһам, уҡытырмын. Ярай, балаҡайҙарым, һеҙ ныҡ эшләп, фронтҡа ярҙам итегеҙ. Ә беҙ бында дошманды бөтөрөргә тырышырбыҙ, тиҙ арала бөтөрөрбөҙ һәм беҙгә ҡайтып килергә насип итһен. 09.10. 1942 йыл».
Ләкин Хөснитдин олатайым яу яландарынан әйләнеп ҡайтмай. Ошо хат килеп, бер нисә ай үтеүгә Ленинград блокадаһын өҙөүҙә ҡатнашып, батырҙарса һәләк була. «Ҡара ҡағыҙ» алған Вазифа ҡартәсәйем береһенән-береһе бәләкәс биш малайы менән яңғыҙ ҡала.
Таһир ауылынан әсәйемдең олатаһы, минең ҡартатайым Хызыр Ҡотләхмәтов та яу яланында ятып ҡала. Тыл ветераны булған Сәмиғә ҡартәсәйемә бер үҙенә биш малайын, бер ҡыҙын аяҡҡа баҫтырырға тура килә. Ике ҡартәсәйем дә һуғышта үлгән ирҙәрен көтөп, ғүмер буйы яңғыҙ йәшәй.
«Үлемһеҙ полк»ка тағы ла бер олатайымдың фотоһын тотоп сығам. Һәмән ауылында йәшәүсе өләсәйемдең атаһы, минең ҡартатайым Ғәлиулла Биктимеров та фронтҡа китә. Ул дошмандарҙы тар-мар итеп, һуғыштан тыуған ауылы Таһирға имен-һау әйләнеп ҡайта. Ололар һөйләүе буйынса, йор һүҙле, аҡыллы, кеше йәнле, эшһөйәр олатайым менән тыл ветераны Әсмә ҡартәсәйем күптәргә өлгө булып йәшәгән.
Тағы ла бер ҡартатайым Йәрмөхәмәт Ғайсин һуғышҡа бармай. Улар Сәфәрбикә ҡартәсәйем менән тылда тир түккән.
Мин һуғыш һәм тыл ветерандары булған оло быуын кешеләре менән хаҡлы рәүештә ғорурланам һәм тыныс тормошта йәшәүебеҙ өсөн улар алдында баш эйәм. Бар көсөмдө һалып уҡырға, тәртипле булырға тырышам. Тыныслыҡтың, тыныс тормоштоң ҡәҙерен беләйек!
Юлдаш БУЛАТОВ, йәш хәбәрсе.
Баймаҡ районы, Билал мәктәбе.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж