-5 °С
Болотло
Бөтә яңылыҡтар
Башҡорт теле һәм әҙәбиәте уҡытыусылары берләшә
Силәбе һәм Ҡурған өлкәләренең Башҡорт теле һәм әҙәбиәте уҡытыусылары ассоциацияһы I Бөтә Рәсәй башҡорт теле уҡытыусылары съезынан һуң, 2019 йылдың майында ойошторола. Төп маҡсаттары — һөнәри, рухи-мәҙәни ихтыяждарҙы бергә тормошҡа ашырыу һәм милли мәғарифта алдынғы тәжрибә менән уртаҡлашыу өсөн педагогтарҙы туплау.
Ассоциация советының беренсе ултырышында ойошма үҫешенең стратегияһы буйынса фекер алышынды. Уҡытыусыларҙың август кәңәшмәһендә яңы уҡыу йылына төп саралар планы раҫланды.
Планға ярашлы, үткән йылда күп саралар уҙғарылды.
Магнитогорск ҡалаһында Башҡорт әҙәбиәте көндәре үтте, уның сиктәрендә «Силәбе өлкәһе башҡорттарының рухи үҫеше проблемалары» темаһына түңәрәк өҫтәл үтте. Йәмәғәтселек туған телдәр әһәмиәте, Силәбе өлкәһенең көньяҡ райондары уҡыу йорттарында башҡорт телен өйрәнеү мөһимлеге тураһында һөйләште. Башҡортостан Республикаһы Мәғарифты үҫтереү институты белгестәре Арғаяш 1-се һанлы мәктәбе уҡытыусылары өсөн квалификация күтәреү курстары үткәрҙе. 29 педагог «Заман шарттарында туған телен һәм әҙәбиәтен өйрәнеү» программаһы буйынса таныҡлыҡ алды.»
БР Мәғариф һәм фән министрлығы һәм Сибай ҡалаһы белем биреү ойошмалары менән берлектә Ҡыҙыл районында осрашыуҙар үтте. Һөҙөмтәлә, Ҡыҙыл ауылында башҡорт телен өйрәнеү буйынса йәкшәмбе мәктәбе асылды.
2019 йыл Башҡортостан Республикаһы өсөн әһәмиәтле сараларға бай булды. Иң күренеклеләренән V Бөтә донъя башҡорттары ҡоролтайы һәм I Бөтә Рәсәй башҡорт теле һәм әҙәбиәте уҡытыусылары съезы. 14 декабрь — башҡорт мәғрифәтсеһе Мифтахетдин Аҡмулланың тыуған көнө- Башҡорт теле көнө тип иғлан ителде. Башҡорт теле көнө республикала йыл да уҙғарыла. 2019 йылдан был матур традицияға Силәбе өлкәһе лә ҡушылды.
Тәүге тапҡыр Силәбе туҡыма һәм еңел сәнәғәт техникумы нигеҙендә Аҡмулла һәм Мостай уҡыуҙары үтте. Арғаяш районы Дербишев мәктәбендә Р.Р.Әйүпов етәкселегендә республика уҡытыусылары Ассоциацияһы башҡорт теле һәм әҙәбиәте буйынса семинар үткәрҙе. Өлкән һәм кесе кластарҙа башҡорт телен уҡытыу тәжрибәһе менән уртаҡлаштылар, семинарҙа ҡатнашыусыларға методик әсбаптар тапшырылды.
Уҡытыусыларҙың август кәңәшмәһендә 2020 йыл «Кәтибә Кинйәбулатова йылы» тип иғлан ителде. Сығышы менән Арғаяш районы Мәүлет ауылынан булған билдәле башҡорт шағирәһе тыуыуына 15 сентябрҙә 100 йыл тулды. Әҙибәнең исемен мәңгеләштереү маҡсатында Арғаяш районы хакимиәтенең әҙәби премияһы булдырылды, Ҡолой ауылы китапханаһына Кәтибә Кинйәбулатова исеме бирелде. Юбилей датаһы уңайынан Мәүлет ауылы клубында хәтер кисәһе үтте.«Башҡортостан уҡытыусыһы» журналы редакцияһы менән берлектә уҡыусылар араһында интернет-викторина уҙғарылды.
Башҡорт теле һәм әҙәбиәтенән 25-се өлкә олимпиадаһы Сосновка районы Сируси мәктәбендә үтте. Кәтибә Кәрим ҡыҙы Бөйөк Ватан һуғышы йылдарында тап ошонда хеҙмәт юлын башлаған. Мәктәптәге башҡорт теле һәм әҙәбиәте кабинеты “Кәтибә Кинйәбулатованың мемориаль кабинеты” тип атала.
Арғаяш районында БР Мәғариф һәм фән министрлығы ярҙамы менән «Һаумы, һаумы, әкиәт!» төбәк-ара театрлаштырылған тамашалар конкурсы үтте. Унда Силәбе һәм Ҡурған өлкәләренән 70-кә яҡын уҡыусы ҡатнашты.
Конкурс Башҡорт теле йылына арналған иң күркәм сараларҙың береһе тип танылды. Сара сиктәрендә уҡытыусылар кәңәшмәһе лә ойошторолдо. Унда Арғаяш 2-се һанлы мәктәбе һәм Учалы ҡалаһының 2-се лицейы араһында, Ҡоншаҡ районы Тахталым мәктәбе һәм Учалы ауылының башҡорт гимназияһы араһында хеҙмәттәшлек тураһында килешеү төҙөлдө.
Силәбе һәм Ҡурған өлкәләре Башҡорт теле һәм әҙәбиәте уҡытыусылары ассоциацияһы Башҡортостан Республикаһы Башҡорт, рус (туған) һәм башҡа туған телдәр уҡытыусылары ассоциацияһының филиалы һанала. Үткән уҡыу йылында уҡытыусы- телселәрҙе туплау, әүҙемләштереү буйынса ҙур эштәр башҡарылды, белем биреү ойошмалары яңы дәреслектәр менән тәьмин ителде, педагогтарға ойоштороу һәм методик ярҙам күрһәтелә.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж