Мәктәп осоронда беҙгә төрлө уҡытыусылар белем бирә. Бөгөнгө һүҙем яратҡан синыф етәксебеҙ Сиренә Фәһим ҡыҙы Ғәббәсова тураһында булыр.
Ул беҙҙең Өйәҙетамаҡ мәктәбендә 36 йылдан ашыу инглиз һәм француз телдәренән белем бирә. Дәрестәре шул тиклем матур һәм йөкмәткеле үтә. Компьютер, интерактив таҡта – замана технологияһын иркен ҡулланабыҙ. Инглиз телендә шиғырҙар ятлайбыҙ, йырҙар өйрәнәбеҙ, олимпиадаларҙа һәм төрлө конкурстарҙа гел ҡатнашып торабыҙ.
Остазым үҙ эшенә бик ижади һәм етди ҡарай. Беҙҙән дә шуны талап итә.
Сиренә Фәһим ҡыҙының дәрестәрен көтөп алабыҙ. Сөнки ул инглиз теле аша тыуған еребеҙгә һөйөү тәрбиәләй.
Тимур МӨХӘМӘҘИЕВ,
IХ cиныф уҡыусыһы.
Туймазы районы,
Өйәҙетамаҡ мәктәбе.