Бөтә яңылыҡтар
Һаҡ булығыҙ!
15 Май 2019, 18:26

Шылтыратҡан өсөн – штраф

Был 16 йәшлек үҫмер хәҙер үкенәлер ҙә бит, әммә терһәкте тешләп булмай шул. Эске эштәр министрлығының матбуғат хеҙмәте белдереүенсә, ул социаль селтәрҙә, мәктәптә хәүефле предмет һалынасаҡ, тигән яҙыу ҡуйған.

Полиция енәйәт эше асҡан. Хәҙер үҫмер енәйәт яуаплылығына тарттырыла. Билдәле булыуынса, бындай енәйәт эше өсөн 200 – 500 һум күләмендә штраф йәки 3 йылға тиклем иректән мәхрүм итеү ҡаралған.

Һуңғы ваҡытта теге йәки был сауҙа үҙәгенә шартлатҡыс һалынған, тип тә йыш шылтыраталар. Улар хоҡуҡ һаҡсылары кемдең ҡара эше икәнен барыбер беләсәген, үҙҙәренең енәйәт яуаплылығына тарттырыласағын ниңә аңламайҙар икән?