Бөтә яңылыҡтар
Һаҡ булығыҙ!
16 Апрель 2020, 21:30

Үҙизоляция талаптарына иғтибар көсәйә

Киләһе аҙнанан, 20 апрелдән, республикала үҙизоляция режимын үтәү буйынса талаптар ныҡ ҡына үҙгәрәсәк.

Сөнки рейдтар күрһәтеүенсә, кешеләр йыш ҡына урамға эшкә барыу өсөн түгел, былай ғына йөрөр өсөн сыға икән. Был иһә коронавирус таралыуына бәйле хәлде ҡатмарлаштыра ғына. Бығаса бирелгән пропускылар ғәмәлдән сығарыласаҡ. Яңылары иһә эшләргә рөхсәт ителгән предприятиеләр хеҙмәткәрҙәренә генә биреләсәк. Йәмәғәт транспортында һәм таксиҙа битлекһеҙ, бирсәткәһеҙ йөрөргә ярамай. Тикшереп, штраф һаласаҡтар. Балалар көндөҙгө берҙән киске алтыға тиклем яҡындағы аҙыҡ-түлек магазинына, дарыуханаға, сүп-сар ташларға йәки эттәрен йөрөтөргә генә сыға ала. Уйнар өсөн түгел! Doroga02.ru сайтында теркәлеп, бер автомобилдә аҙнаһына ике тапҡыр ғына юлға сығырға мөмкин. 20 апрелдә иртәнге сәғәт 9-ҙан республиканың ҡарттар, балалар йорттары, интернаттар һәм башҡа социаль объекттар карантинға ябыласаҡ. #ДомаЯҡшыраҡ
Читайте нас в