+12 °С
Ямғыр
Бөтә яңылыҡтар
Һаҡ булығыҙ!
24 Июль 2020, 14:40
Сит ҡулдарҙан әйбер алма!
Ҡабаланып ҡайтып бара инем. Үҙем йәшәгән йорт янындағы балалар майҙансығы янында уйнап йөрөгән ете-һигеҙ йәштәрҙәге өс ҡыҙға таныш түгел, сәйер генә күренгән бер ирҙең көсләшә-көсләшә нимәлер бирергә маташыуын аңлап, шып туҡтаным.
Ҡыҙҙарҙың исемдәрен белмәһәм дә, күрше икәндәрен таныйым. Ә был кешене иһә тәүләп күреүем. Шуға ла уның кем булыуын, балаларға нимә тәҡдим итеүен төпсөнөп һораша башланым. Ҡапыл килеп ҡыҫылыуым тегеңә оҡшаманы. Ауыҙ эсенән нимәлер мығырлай-мығырлай ситкә китә һалды.
Өлкәндәрҙең нимә тураһында бәхәсләшеүҙәрен бер ни аңламай ҡарап торған бәләкәй күршеләремдең ҡулдарынан ялтыр ҡаптарҙағы, һағыҙға ла, кәнфиткә лә оҡшаған нәмәләрҙе тартып тигәндәй алдым. Бәләһенән баш-аяҡ тип, яҡындағы сүплеккә алып барып ташланым да тегеләр янына кире боролоп килдем.
«Ни өсөн ете ят кеше ҡулынан әйбер алаһығыҙ? Тамағығыҙ асмы? Моғайын, өйҙәгеләр үҙегеҙҙе көсләп тә ашата алмай йонсойҙор әле?!» – тип шелтәләй башлағас, бер килке турһайышып торҙолар. Һуңынан кеше һаулығына, аңына, хатта ғүмеренә хәүефле нәмә булыуы мөмкинлеге тураһында аңлатҡас, күҙҙәрендә хәүеф ҡатыш ҡурҡыу күләгәләре барлыҡҡа килде...
Әлбиттә, таныш булмаған кешеләрҙең барыһы ла насар ниәт менән йөрөмәй. Кемдер сабыйҙарҙы һөйөндөрөп сауап алыу маҡсатында ла теге йәки был әйберҙе ҡулына тоттороп китә. Әммә, үкенескә ҡаршы, арабыҙҙа ҡара эсле әҙәмдәрҙең һуңғы арала йыш осрауы ата-әсәләрҙе көндән-көн борсоуға һала бара. Шуға ла ундай нәмәләр бик күҙҙе ҡыҙҙырған хәлдә лә, өлкәндәргә күрһәткәндән һуң ғына ҡулланырға ярайҙыр. Ә иң яҡшыһы таныш булмаған әҙәмдәрҙән бөтөнләй бер нәмә лә алмаҫҡа. Нимә тиһәң дә, һаҡланғанды һаҡлармын, тигән бит Хоҙай ҙа.
Айгөл ГӘРӘЕВА, тәрбиәсе.
Өфө ҡалаһы, 166-сы балалар баҡсаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж