Тағы ҡайҙа һыу таша?

Рәсәй Ғәҙәттән тыш хәлдәр министрлығының Башҡортостан буйынса баш идаралығынан хәбәр итеүҙәренсә, Архангель районының Аҙау ауылы янында һыу бер тәүлектә бер метрға кәмегән, Тәүәкәстә - 30 сантиметрға. Салауат районында ла һыу кимәле 40 сантиметрға әҙәйгән. Киҫкен хәл күҙәтеү аҫтында ҡала. 

Ташҡын башланғас, ҡотҡарыусылар республика буйынса һыу ташыу тураһында 468 хәбәр алған. 276 йорт яны участкаһы, 107 өй, 14 автомобиль юлы өлөшө һыу аҡтында ҡалып, контролдә тотола. 

Боҙ тығылған урындарҙа шартлатыу эштәре алып барыла, шунһыҙ булмай. Бөгөн Мәсәғүт ауылы янында Әй йылғаһында ла был эш көтөлә. 

Республика буйынса ташҡынға бәйле хәүефле хәлде контролдә тотоу өсөн 158 кеше һәм 97 техника йәлеп ителгән. Вертолеттар, пилотһыҙ осоусы аппараттар ярҙамға килә.

Фото: ya.ru.