+12 °С
Ямғыр
Бөтә яңылыҡтар
Ғаилә усағы
19 Ғинуар 2018, 17:51
Минең «тере энциклопедиям»
Әлдә өләсәйем бар, тип ҡыуанам. Ниндәй генә һорау, үтенес менән мөрәжәғәт итһәм дә, уның аҡыллы кәңәштәре гел әҙер. Ҡәҙерлемде «Халҡымдың тере энциклопедияһы» тип йөрөтәм.
Әлдә өләсәйем бар, тип ҡыуанам. Ниндәй генә һорау, үтенес менән мөрәжәғәт итһәм дә, уның аҡыллы кәңәштәре гел әҙер. Ҡәҙерлемде «Халҡымдың тере энциклопедияһы» тип йөрөтәм.
Кем һуң ул һинең өләсәйең, тиһегеҙме? Яҡынымдың исеме – Хәнифә Шәғәле ҡыҙы Әбүбәкерова. Ул республикабыҙҙың, районыбыҙҙың, ауылыбыҙҙың данлыҡлы сәсәниәһе. Өләсәйем бала саҡтан таҡмаҡ, бәйет, ҡобайырҙарҙы импровизация юлы менән ижад итә. Башҡортостандың тарихын, үҙебеҙҙең ғөрөф-ғәҙәттәрҙе, дауалау серҙәрен яҡшы белә. Матур итеп аяттар уҡый. Үҙе лә им-том менән шөғөлләнә: сабыйҙарҙы күҙ тейеүҙән, елпенеүҙән өшкөрә, «өс йән» ғазабынан дауалай, ҡот ҡоя. Мине лә бәләкәйҙән бик яҡшы итеп тәрбиәләп, ҡарап үҫтерҙе.
Өләсәйем бер ҡасан да буш ултырмай. Төрлө кимәлдәге конкурстарҙа әүҙем ҡатнаша. Уның Маҡтау грамоталары, Рәхмәт хаттары һанап бөткөһөҙ. Шул уҡ ваҡытта баҡса, ҡош-ҡорт үҫтереү, картуф сәсеү, бесән эшләү кеүек эштәргә лә өлгөрә. Уның бешергән ҡоймаҡ-йыуасалары телеңде йоторлоҡ!
Әлеге көндә лә, етмеш дүрт йәшендә булыуына ҡарамаҫтан, әүҙем тормош алып бара. «Байыҡ – 2017» бейеү бәйгеһендә ауылыбыҙҙың «Сәсмәүер» ансамбле менән Гран-при алып ҡайттылар. Көҙ башында Венгрия ҡалаһында ҡунаҡта булды.
Өләсәйем менән ғорурланам. Ҡәҙерлем миңә һәр яҡлап өлгө. Уға ҡарап үҙем дә бер минутымды ла буш үткәрмәҫкә тырышам. Шиғырҙар, хикәйәләр яҙып ҡарайым, тарихты өйрәнәм, төрлө бәйгеләрҙә ҡатнашам. Рәхмәт һиңә, өләсәйем, барыһы өсөн дә!
Арсен ХӘМЗИН, VI синыф уҡыусыһы.
Әбйәлил районы, Амангилде мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж