-11 °С
Болотло
TelegramТестарVKOK
Бөтә яңылыҡтар
Ғаилә усағы
20 Март 2020, 13:50

Әсәлек капиталын нисек алырға?

Ошо йылдың 15 апреленән Рәсәйҙә Әсәлек капиталы сертификатын алыу өсөн ғариза яҙырға ла кәрәкмәйәсәк. Был илдәге автоматик рәүештә күр­һәтелгән тәүге социаль дәүләт хеҙмәте буласаҡ. Сөнки Пенсия фонды сабый тыуғандан һуң кәрәкле мәғлүмәттәрҙе Берҙәм гражданлыҡ хәле акттарын теркәү реестрынан үҙе аласаҡ.

Унда сертификат биреүгә ҡаршылыҡ тыуҙырған сикләүҙәр тураһында мәғлүмәт тикшерелә. Әгәр бындай сикләүҙәр асыҡланмаһа, документ теркәлә. Сертификат тапшырыу тураһында белдереү әсәнең дәүләт хеҙмәттәре порталында теркәлгән шәхси кабинетына һәм порталда күрһәтелгән номерына ебәрелә. Дәүләт хеҙмәттәре порталында теркәү йәки берҙәм реестрҙа бала тураһында мәғлүмәттәр булмаған саҡта ғаризаны Рәсәйҙең Пенсия фонды бүлексәләрендә һәм күп функциялы үҙәктә бирергә мөмкин. Бындай осраҡтарҙа Әсәлек капиталы сертификатын алыу ваҡыты 15-тән 5 эш көнөнә тиклем ҡыҫҡартыла, ә уның әҙер булыуы тураһында Пенсия фондының берҙәм контакт үҙәге хеҙмәткәрҙәре хәбәр итә.
Читайте нас в