+12 °С
Ямғыр
Бөтә яңылыҡтар
Ғаилә усағы
17 Апрель 2020, 13:14
Буш ултыра белмәйбеҙ
Барлыҡ донъяны тетрәндереп, еребеҙ өҫтөнә уйламағанда яман ауырыу ябырылды. Күпме кеше ғүмере өҙөлдө. Беҙ быны телевизор экрандарынан ҡарап күрәбеҙ. Яман вирус таралмаһын өсөн күп саралар күрелә. Шуларҙың береһе – өйҙә генә ултырыу.
Әйткәндәй, ғаиләбеҙ биш кешенән тора: атайым, әсәйем, Айгизә һеңлем, Рәмил ҡустым һәм мин. Атайым шахтала тырышып эшләп йөрөй, шуға күрә уға йүнләп ял итеү ҙә эләкмәй.
Әлбиттә, сараһыҙҙан ял көндәрендә әсәйебеҙ беҙҙе иртә менән уятмай, йоҡобоҙ туйғансы кинәнеп ятабыҙ. Шулай ҙа өй эсенә таралған тәмле аш еҫтәре һәр беребеҙҙе торорға мәжбүр итә. Яҡыным – аш-һыу оҫтаһы, белгән нескәлектәрен һеңлем менән миңә лә өйрәтә. Беҙ ҙә уға ярҙамлашабыҙ: ҡоймаҡ ҡоябыҙ, билмән, мантылар эшләйбеҙ, бәлештәр бешерәбеҙ. Күмәкләп башҡарғас, тәмле килеп сыға. Ҡустым да тик тора белмәй, онға буялып бөтә.
Беҙҙең ғаиләлә матур йола бар. Ул да булһа – китап уҡыу. Белем алыуҙың иң яҡшы юлы – һәйбәт уҡыу, ти әсәйем. Китап – бер быуындың икенсе быуынға рухи васыяты, ғүмерҙең һуңғы сигенә еткән аҡһаҡалдың яңы ғына йәшәй башлаған кешегә кәңәше, тип тәрбиәләй ул. Беҙ өйҙә күп гәзит-журналдарға яҙылабыҙ, китаптар һатып алабыҙ. Ваҡыттан файҙаланып, карантин мәлендә лә төрлө әҫәрҙәр уҡыныҡ, фекер алыштыҡ. Иң күп уҡығаны әсәйем икән дә! Һоҡландыра белә үҙе.
Кистәрен беҙ шашка, өҫтәл уйындарын уйнап, пазл йыйып үткәрәбеҙ. Мин ырғаҡ менән бәйләйем, ә әсәйем һеңлемә йөн ойоҡ бәйләргә өйрәтә. Бер генә тик тормайбыҙ кеүек, бирелгән ваҡытты бушҡа сарыф итмәй, яратҡан шөғөлдәребеҙ менән мәшғүлбеҙ.
Уралиә ҠАРАБАЕВА, X синыф уҡыусыһы.
Хәйбулла районы, Татырүҙәк мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж