Бөтә яңылыҡтар
Ғаилә усағы
5 Июнь 2020, 13:10

Мин бик бәхетлемен!

Атайым – иң яҡшыһы һәм иң һәйбәте. Һәр саҡта ярҙам ҡулы һуҙыусы, беҙҙе ҡайғыртыусы кешем ул. Ниндәй генә һорау килеп тыуһа ла, янына ашҡынам. Атайым мине эшкә лә өйрәтә, кәңәштәрен бирә.

Уның исеме – Ришат. Районыбыҙҙың Өфө ауылында тыуып үҫкән. Унда башланғыс белемде алғас, Ишембай ҡалаһының кадет мәктәбендә тырышып уҡый. Быны атайымдың урыҫ теленән хатаһыҙ яҙыуынан, математика фәнен яҡшы белеүенән дә күреп әйтә алам. Ул күп йылдар төҙөлөш эшендә эшләй. Унан һуң ун йылға яҡын инде шахтёр һөнәрен тырышып башҡара. Эше бик ауыр һәм яуаплы булыуға ҡарамаҫтан, бер ҙә зарланмай.

Атай минең өсөн һәр ваҡыт терәк-таянысым. «Атаһы барҙың – бәхете бар», – тип халыҡ бушҡа әйтмәгәндер. Мин дә бик бәхетлемен.


Айгизә ҠАРАБАЕВА, V синыф уҡыусыһы.
Хәйбулла районы, Татырүҙәк мәктәбе.

Читайте нас в