+12 °С
Ямғыр
Бөтә яңылыҡтар
Ғаилә усағы
17 Июль 2020, 14:37
Мин – бәхетле баламын!
Ғаиләбеҙ бик ҙур түгел, дүрт кешенән тора: атайым, әсәйем, ағайым һәм мин. Беҙҙе һаҡлаусы, яҡлаусы кеше – атай ул. Бик уңған, тырыш, баһадир, белмәгән эше юҡ. Һөнәрҙәрен һанап бөтөп тә булмай, белгәндәрен ағайыма ла өйрәтергә тырыша. Атайым миңә һәр саҡ терәк-таяныс булып тора.
Әсәйем – һөнәре буйынса медицина хеҙмәткәре. Ауылдағы амбулаторияла шәфҡәт туташы булып эшләй. Һәр яҡтан уңған: тәмле аш-һыу бешерергә һәм гөл-сәскәләр үҫтерергә ярата. Беҙҙең өйөбөҙҙө матур-матур гөлдәр менән биҙәй. Әсәйем – минең тормош юлымда иң тоғро кәңәшсем һәм ярҙамсым. Һәр саҡ дөрөҫ юл һайларға, көслө рухлы булырға өйрәтә.
Ғаиләбеҙҙә өсөнсө кеше – ул минең ағайым. 2013 йылда ауылдағы мәктәпте тамамлап, Пермь ҡалаһындағы хәрби институтҡа уҡырға инде. Уны тамамлағандан һуң Төньяҡ Кавказ округына хеҙмәт итергә юлланды. Әле Чечняла Урус-Мартан ҡалаһында рота командиры булып уңышлы эшләп йөрөй. Ағайым – минең өсөн тоғро дуҫ. Ул һәр саҡ ярҙамға әҙер.
Иң бәләкәйҙәре – мин, Рәми Ғарипов исемендәге 1-се республика башҡорт интернат-гимназияһында белем алам. Тырышып уҡыйым, тик яҡшы билдәләргә өлгәшәм. Ә инде ҙурайғас, әсәйем кеүек, медицина һөнәрен һайларға хыялланам.
Мин үҙемдең ғаиләм менән ғорурланам. Беҙ халҡыбыҙҙың ғөрөф-ғәҙәттәрен, йолаларын белеп үҫәбеҙ һәм туған телебеҙҙә рәхәтләнеп һөйләшәбеҙ. Татыу, берҙәм ғаиләлә йәшәйем, шуның менән бәхетлемен, тип уйлайым.
Диана АТАНҒОЛОВА.
Өфө ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж