Ата-әсә бәхете – балаларҙа

Атай-әсәй – ғаиләнең тотҡаһы, ә балалар – көҙгөһө. Тотҡа ҡупмаһын, көҙгө ватылмаһын өсөн бер-береңде һаҡлап, яҡлап, ҡәҙерләп, хөрмәт итеп йәшәргә кәрәк.

Ғаилә башлығы Таһир Фәрит улы Өфө дәүләт нефть техник институтын бөткәс тә юллама менән Сибайға ебәрелә. Бөгөн «Газпром трансгаз-Өфө» предприятиеһында уңышлы эшләп йөрөй. Әйткәндәй, ул үҙенең хәләл ефетен дә ошо ҡалала осрата. Матур ғаиләнең йәме булып ике улдары донъяға килә. Ҙуры – Тәлғәт Ҡазан дәүләт энергетика университетының IV курс студенты булһа, бәләкәйе – Баязит быйыл XI синыфты тамамланы. Ул ҡаланың 9-сы лицейында беренсе синыфтан алып тик «бишле» билдәләренә генә уҡып, миҙалға эйә булды. Берҙәм дәүләт имтихандарын тапшырғанда ла һынатманы. Физика фәне буйынса 97 балл йыйһа, математиканан – 90, урыҫ теленән – 76. Һай, афарин!

Баязит Фәйзуллин лицейҙа уҡығанда төрлө олимпиадаларҙа ҡатнаша. Муниципаль, дистанцион, Бөтә Рәсәй кимәлендәге бәйгеләр, конкурстар призёрҙары була. Өфө дәүләт нефть техник университеты үткәргән «Киләсәккә бер аҙым» олимпиадаһында ла көсөн һынай.

– Баязитҡа математика менән физика шул хәтлем еңел бирелде. Ул ошо фәндәрҙе ныҡ оҡшатҡас, бар күңелен һалып тырышты,– тип маҡтаны үҙен уҡытыусыһы Татьяна Алексеевна Гаврилова.

Ә бына шәп егет үҙе тураһында ниҙәр һөйләне:

Ә уҡыуға килгәндә, лицейҙағы дәрестәрҙән тыш, мин өҫтәмә белем алырға ла тырыштым. Мәҫәлән, Сибайҙағы Башҡорт дәүләт университетының уҡытыусыһы Илнур Сабит улы Ғүмәровтан, ҡаланың 12-се мәктәбе уҡытыусыһы Рәмилә Рамаҙан ҡыҙы Ишберҙинанан күп нәмәгә өйрәндем. Бының өсөн уларға, шулай уҡ лицейҙа белем биргән хөрмәтле остаздарыма рәхмәт әйтәм.

Тырыш егет буш ваҡыт табып, автомобиль йөрөтөргә өйрәнеү мәктәбенә лә йөрөгән. Оҫталығын күрһәткән. Уға яңыраҡ водитель танытмаһы тапшырғандар. Ҡалай маладис!

Әле Баязит төрлө техник университеттарға документтарын ебәргән. Яуаптар көтә, ҡайҙан ҡыуаныслы хәбәр килер?

Был күркәм, өлгөлө ғаиләгә тағы ла уңыштар, ә Баязитҡа теләгән уҡыу йортона уҡырға инеп, тыуған еребеҙҙең кәрәкле белгесе булыуын теләйем.

З. ИҪӘНДӘҮЛӘТОВА.

Читайте нас в

1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.

Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.

Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.

Телефон

8 (347) 273-36-64.

Электрон почта

[email protected]

Адресы

450079, г. Уфа, ул. 50 летия Октября, 13, 8-й этаж