+9 °С
Болотло
Бөтә яңылыҡтар
Ғаилә усағы
16 Октябрь 2020, 16:17
Бәләкәйҙән милли рух тәрбиәләйҙәр
Мин башҡорт балаһы булып тыуыуым менән бәхетлемен. «Әсәй», «атай» тип үҙ телемдә өндәшә алыуым менән ғорурланам.
Бәләкәй генә булыуға ҡарамаҫтан, ғаиләм – минең ҡәлғәм. Беҙҙә милли рух, милли үҙаң тәрбиәләнә. Бала саҡта әсәйем көйләгән бишек йырҙары, атайым өйрәткән шиғырҙар, йырҙар, бергәләшеп уйнаған милли уйындарыбыҙ ҙур тәрбиә сараһы булып тора. Халҡыбыҙға, милләтебеҙгә, туған телебеҙгә һөйөү кескәй генә сағыбыҙҙан аңыбыҙға һеңгән. Шуның өсөн үҙебеҙҙең йолаларыбыҙҙы тотоп, ғөрөф-ғәҙәттәребеҙҙе үтәү беҙҙең өсөн бик тә мөһим.
«Ағас күрке – япраҡ, әҙәм күрке – сепрәк» тигән әйтем бар башҡорттарҙа. Атай-әсәйем беҙҙе бәләкәстән халҡыбыҙҙың милли кейеме, музыка ҡоралдары менән таныштырып, бейеү-йырҙарын өйрәтеп, сәнғәткә һөйөү тойғоһо уятты. Инде хәҙер ғаиләбеҙ төрлө концерт, йыр-бейеү конкурстарында сығыш яһай. Үҙебеҙ нигеҙ һалған инструменталь ансамбль менән районыбыҙҙың төрлө ауылдары буйлап йөрөп, концерттар ҡуйҙыҡ. Һәр беребеҙҙең үҙ музыкаль ҡоралы, милли кейеме бар.
Берәү – бөтәһе өсөн, бөтәһе – берәү өсөн, тип йәшәйбеҙ. Беҙҙең девиз ул. Атай-әсәйем – ҡыҙҙарым, ә беҙ, атай, әсәй, тип өҙөлөп торабыҙ.
Уңған ҡуллы әсәйем ғаиләбеҙҙе башҡорт халҡының милли ризыҡтары – бишбармаҡ, буҙа, ҡыҙыл эремсек, талҡан менән һыйлай. Беҙҙе, дүрт ҡыҙын да, ошо ашамлыҡтарҙы әҙерләргә өйрәтә. Байрамдарға, тыуған көндәргә, ҡунаҡҡа килеп, беҙ бешергән сәксәк, бишбармаҡ ашап, буҙа эсмәй ҡайтҡан кеше юҡтыр ул...
Балаларҙа ғаиләнән үк милләтенә, ғөрөф-ғәҙәттәренә ҡарата хөрмәт, мөхәббәт тәрбиәләү бик мөһим. Был йәһәттән атайым менән әсәйем үҙ бурыстарын яҡшы үтәй, тип мин ғорур рәүештә әйтә алам.
Бөрйән районы,
Байназар мәктәбе.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж