“Беҙ Ҡарат ауылында йәшәйбеҙ. Атайымдың исеме – Динар. Ул – талапсан, иғтибарлы, эшлекле һәм изге кеше. Сабыр холоҡло, йөҙөнән һәр саҡ яғымлы йылмайыу китмәй.
Атайым Октябрьский ҡалаһының һыу каналында машинист булып эшләй. Беҙ ғаиләлә – өс малай. Мин иң өлкәне булам. Ҡустыларыма үрнәкле ағай булырға тырышам.
Ҡәҙерлебеҙҙең ҡулы оҫта, белмәгән эше юҡ. Уны ауылыбыҙҙа барыһы ла ихтирам итә. Беҙ ҙә бар яҡлап, уға оҡшарға тырышабыҙ”.