Музей хеҙмәткәре Миңзәлә Баймырҙина баланы уятҡанда, йоҡларға һалғанда бишек йыры, һамаҡтарҙың ҡулланышы тураһында әңгәмә ойошторған.
– Борон-борондан баланы сәңгелдәккә һалып бәүетеү – тылсымлы сара булған. Бишек йыры баланы йоҡлатҡанда көйләнә", – ти фольклор коллективы етәксеһе Миңзифа Ибраһим ҡыҙы. Ул ҡулына ҡурсаҡ алып, балаларға бишек йырҙарын йырлап, һамаҡтар әйткән.
– Баланың һаулығы, үҙен тотошо, ҡылыҡтары һәм холҡо әсәнең уға ниндәй сәңгелдәк йыры башҡарыуына ла бәйле икән. Шуға күрә, балаға күберәк бишек йырҙарын йырларға кәрәк, – тип сараны тамамлаған ойоштороусылар.
Сығанаҡ һәм фото: vk.com