Бына беҙҙең балалар баҡсаһында тәрбиәләнеүсе Йәсминә Бөркөтбаеваның ата-әсәһе лә күптәргә өлгө булырлыҡ. Яҙгөл һәм Тимур Бөркөтбаевтарҙы маҡтағандан-маҡтағы килә. Шундай әүҙемдәр,шундай өлгөрҙәр үҙҙәре. Төркөмөбөҙҙә ниндәй генә сара, конкурстар үткәрелмәһен, һәр береһендә әүҙем ҡатнашалар. Йәсминә балалар баҡсаһына килгәндән үк үҙен бик тырыш, уңған ҡыҙ итеп күрһәтте. Бик күп Маҡтау ҡағыҙҙарына лайыҡ булды. "Йәншишмә" гәзите сайтында үткәрелгән "Ҡоштарға ашхана" конкурсында ла ҡатнашып, III урын яулағайны. Был уңыштарында ата-әсәһенең дә ярҙамы ҙур. Күптән түгел "Йәншишмә" гәзитенең баш мөхәррире Мирсәйет Ғүмәр улы Юнысов үҙе килеп, Маҡтау ҡағыҙы менән иҫтәлекле бүләктәр менән тапшырып китте. Рәхмәт редакция хеҙмәткәрҙәренә!
Татыу ғаиләлә тәрбиәләнгән балаларыбыҙ сәләмәт, бәхетле, кешелекле, эшсән булып үҫһендәр. Уларға тағы ҙур уңыштар, һаулыҡ һәм илебеҙгә тыныслыҡ теләйбеҙ.
Көнһылыу ӘҮӘЛБАЕВА,
"Йондоҙло" балалар баҡсаһының “Күбәләктәр” төркөмө тәрбиәсеһе.
Баймаҡ ҡалаһы.