Тәүгә ишеткәндә ныҡ ҡына аптырағайным. Әммә әсәйем аңлатты:
– Һинең тормошоңда төрлө хәлдәр булыуы мөмкин, әммә бер ваҡыт был хәл бөтөнләй булмаясаҡ: минең һиңә ишек асмай ҡалыуым. Шулай булғас, теләһә ҡайһы ваҡытта – арыһаңмы, сирләһәңме, юғалтһаңмы, күңелең ҡалһамы, эш боҙһаңмы, һин хаҡлымы, ғәйеплеме – береһе лә мөһим түгел, нимә эшләргә һәм ҡайҙа барырға тигән һорау тыуһамы – өйгә ҡайт. Миңә! Теләмәһәң, артыҡ һорау биреп тә йонсотмаҫмын. Әммә асыҡ ишек, тәмле аш, йомшаҡ түшәк, йылы ҡараш вәғәҙә итәм...
Бәхет шулай ябай ғына, дуҫтар: ишек асыр кешең булыуҙа!
Лиля Град (Рәхимә Мусина тәржемәһе).
Сығанаҡ: ***Зөһрә Йондоҙ***
Фото: З. Хәкимова.