Ғаиләм – ҡәлғәм минең!

Ғаилә бит – беҙҙең ышаныслы киләсәк, бәхет сығанағы, яҡтылыҡ һәм өмөт, мөхәббәт бөркөп торған усаҡ. Шул усаҡты һүндермәй-һүрелдермәй яндырып тороу – беҙҙең бурысыбыҙ.

Баймаҡ ҡалаһында маҡтап һөйләрлек ғаиләләр бихисап. Әммә бер нисәүһен айырым билдәләп үтмәү мөмкин түгел. Улар – өлгө алырлыҡ, бар яҡтан да килгән, уңған, тырыш, алға ынтылып йәшәүсе Бикмырҙиндар, Исҡаҡовтар, Рәхмәтуллиндар, Мөхәмәтовтар, Йосоповтар, Мәхмүтовтар, Сәфәрғәлиндәр, Юнысовтар, Ҡотлобаевтар, Ходаковтар. Бер-береһенә ихтирамлы, яғымлы, ипле атай-әсәйҙәр үҙҙәренең балаларына яҡшы тәрбиә бирә.

Был булдыҡлы атайҙар һәм әсәйҙәр – балалар баҡсаһында тәрбиәселәрҙең беренсе ярҙамсылары, кәңәшселәре. Төрлө конкурстарҙа, ярыштарҙа, сараларҙа әүҙем ҡатнашып, призлы урындар алалар.

Мөхәббәтле, күсле булһын,

Ныҡлы булһын ғаилә усағы!

Резеда МӨХӘМӘТШИНА,

"Йондоҙло" балалар баҡсаһы тәрбиәсеһе.

Баймаҡ ҡалаһы.