Баш эйәбеҙ

Ғаиләһендә, өйөндә, эшендә бәхетле булған кешенең күңеле бөтөн, тормошҡа һөйөүе көслө була. Беҙ ғаиләлә дүрт ҡыҙ үҫтек. Атайыбыҙ Миңлеғәле Николай улы, әсәйебеҙ Венера Фазулла ҡыҙы дүрт балаға ғүмер бүләк итеп, хәҙер ейән-ейәнсәрҙәре менән бәхетле ҡартатай, өләсәй. Бала саҡтан улар беҙҙе ололарға ихтирамлы, иманлы итеп тәрбиәләнеләр. Шуның өсөн дә беҙ атай-әсәйебеҙгә ҙур рәхмәтлебеҙ, улар алдында баш эйәбеҙ. “Бергәләп эшләнгән эш кенә матур, һөҙөмтәле килеп сыға”, – тип атайыбыҙ беҙҙе гел ҡеүәтләй.

Ошо тормошта беҙҙең аңлаған яҡындарыбыҙ булыуы – үҙе бер бәхет. Ошо бәхеттең ҡәҙерен белеп, тормош юлдаштарыбыҙға, балаларыбыҙға, атай-әсәйҙәребеҙгә һөйөү-ихтирамыбыҙҙы йәләмәйенсә, һәр көндөң ҡәҙерен белеп йәшәйек, дуҫтар! 

Нурзиә МӘХИЙӘНОВА, тәрбиәсе.

Баймаҡ ҡалаһы, "Йондоҙло" балалар баҡсаһы.