-14 °С
Болотло
TelegramТестарVKOK
Бөтә яңылыҡтар
Аш-һыу серҙәре
14 Июль 2020, 12:46

«Ҡарағат ҡара була...»

Баҡтиһәң, бөгөн Ҡарағат көнө икән.Барыбыҙ ҙа был емештең файҙаһын беләбеҙ. Ҡара ҡарағаттан тыш, ҡыҙылы ла, ағы ла була уның. Ә был һүҙ менән ниндәй матур йырҙарыбыҙ бар!Ҡарағаттың япрағын киптереп, ҡыш көнө сәйгә ҡушып ебәрһәң, их, тәмлелеге... Ҡышҡылыҡҡа ҡайнатмалар ҙа әҙерләйһегеҙҙер. Бына бер рецепт тәҡдим итәм.

Был ҡайнатма өсөн 12 стакан ҡара ҡарағат, 15 стакан шәкәр, 1 стакан һыу кәрәк буласаҡ.
Ҡарағатты йыуып, һыуын һарҡытабыҙ. Уға бер стакан һыу, 7 стакан ярым шәкәр өҫтәйбеҙ һәм ҡайнатырға ҡуябыҙ. Ҡайнап сыҡҡас, талғын утта 5 минут ҡайнатабыҙ һәм уттан алабыҙ. Ҡалған шәкәрҙе ҡушабыҙ ҙа яҡшылап, шәкәр ирегәнсе болғатабыҙ. Эҫе көйөнсә банкаларға тултырып, мөгәрәпкәме, һыуытҡысҡамы һаҡларға ҡуябыҙ.
Читайте нас в