+19 °С
Болотло
Бөтә яңылыҡтар
Аш-һыу серҙәре
15 Май 2021, 12:24
Ҡуҙғалаҡ бәлеше
Тирә-яҡ көндән-көн матурлана. Яҙҙың тәүге сәскәләрен күптән күреп ҡыуандыҡ инде. Хәҙер тәбиғәт биргән ризыҡтар сыға башланы. Ҡуҙғалаҡты ла күптәрегеҙ яраталыр, тиҙҙән ҡымыҙлыҡ та өлгөрөр.
Әйҙәгеҙ, бөгөн ҡуҙғалаҡтан тәмле генә бәлеш бешерергә өйрәнәйек әле. Уны бит күп кенә итеп йыябыҙ. Бәлки, баҡсағыҙҙа ла үҫтерәһегеҙҙер. Ҡамырҙы пресланған сүпрәнән әҙерләйек. Бер стакан йылымыс һыуға бер аш ҡалағы шәкәр һәм шул сама сүпрә һалып болғатабыҙ. Ул тиҙҙән күпереп сығыр. Шунан тағы ла самалап йылы һөт, һыу, ярты стакан тирәһе көнбағыш майы, бер-ике ҡалаҡ майонез, тоҙ һалып, он ҡушып, ҡамыр баҫабыҙ. Ул ҡулға йәбешмәй башлағас, өҫтөн ҡаплап ҡабартырға ҡуябыҙ.
Ҡуҙғалаҡты турайбыҙ. Ул әскелтем генә булғас, бәлешебеҙҙең эслегенә шәкәр ҡушырға тура килер. Саҡ ҡына аҡ май ҙа өҫтәп ебәрергә мөмкин. Ҡамыр күтәрелгәс, ике өлөшкә бүлеп йәйәбеҙ. Аҫҡы өлөшөнә ҙурырағын алабыҙ. Табаны майлағас, йәймәне, эслекте һалабыҙ, бешергәндә һуты сыҡмаһын өсөн берәй ҡалаҡ крахмал да ҡушабыҙ. Өҫтөн икенсе йәймәбеҙ менән ҡаплағас, ситтәрен матур итеп бөрәбеҙ. Тағы ла тәмлерәк булһын өсөн аҡ май, шәкәр ҡомо һәм ондо бергә ҡушып, кескәй генә йоморсаҡтар килеп сыҡҡансы ыуып, бәлеш өҫтөнә һибергә мөмкин.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж