+29 °С
Болотло
Бөтә яңылыҡтар
Аш-һыу серҙәре
9 Июнь 2021, 13:56
Балтырған ашы
Йәй – витаминлы үләндәргә бай осор. Был миҙгелдә өләсәйҙәрегеҙ ниндәй аҙыҡтарға өҫтөнлөк биргән икән?
Моғайын, яңы сыҡҡан үҫемлектәрҙе аш иткәндәрҙер. Һарына, ирәүән, ҡымыҙлыҡ, ҡуҙғалаҡ, ҡаҡы, йыуа, оҫҡон, кәзә һаҡалы… Әйҙәгеҙ, булмаһа, балтырған һәм кесерткәндән үҙебеҙ ризыҡ әҙерләп ҡарайыҡ. Уларҙың һабағында һәм япраҡтарында ифрат файҙалы матдәләр күп.
400 грамм һыу (һурпа), 2 картуф, 150 грамм балтырған, 1 йомортҡа, 40 грамм он, 30 грамм һыу, 1 баш һуған, йәшеллектәр, 15 грамм аҡ май, 30 грамм ҡаймаҡ (ҡорот), тәмләткестәр, тоҙ кәрәк.
Йәш балтырғанды йыуып, ҡайнар һыуҙа тотоп алабыҙ ҙа ваҡ итеп турайбыҙ. Уға сей йомортҡа һәм тоҙ ҡушып ыуабыҙ. Ҡайнаған тоҙло һыуға (һурпаға) шаҡмаҡлап туралған картуф һалабыҙ. Ул яртылаш бешеп сыҡҡас, балтырғанды ҡушып, бер аҙ ҡайнатабыҙ ҙа ыумас өҫтәйбеҙ.
Ыумас былай әҙерләнә: һауытҡа иләнгән ондо һалабыҙ ҙа уға тоҙло һыу ҡушабыҙ. Был массаны борсаҡ ҙурлығындай төйөрсөктәр килеп сыҡҡансы бармаҡтар менән ыуабыҙ.
Ыумас өҫкә ҡалҡып сыҡҡас, ҡыҙҙырылған һуған, тәмләткестәр өҫтәп, тағы бер аҙ утта тотабыҙ. Әҙер аш табынға йәшеллектәр һәм ҡаймаҡ йә ҡорот менән бирелә.
Ашығыҙ тәмле булһын!
Фото: www.pinterest.ru
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж