2 йомортҡа һәм 1 стакан шәкәрҙе күперткәнсе туғырға, бер ҡап иретеп һыуытылған аҡ май, 2 аш ҡалағы бал, 3 аш ҡалағы майонез йәки ҡаймаҡ, 1 сәй ҡалағы һүндерелгән сода һәм самалап он һалып ҡамыр баҫырға.
Әҙер ҡамырҙан үҙегеҙ теләгән фигуралар ҡырҡып, духовкала бешереп алырға. Печеньеларығыҙ тағы ла тәмлерәк булһын тиһәгеҙ, 1 йомортҡа ағы, 250 грамм шәкәр пудраһы һәм 2 сәй ҡалағы лимон һуты һалып эшләнгән шәрбәтте өҫтөнә һөртөргә лә була. Бешерер алдынан өҫтөнә сәтләүек һалһағыҙ ҙа, бик тәмле буласаҡ. Сәйҙәрегеҙ тәмле булһын, уңғанбикәләр!
Сығанаҡ: vk.com
Фото: userapi.com