+28 °С
Болотло
Аш-һыу серҙәре
9 Август 2022, 09:50
Ҡурай еләгенән бәлеш
Был тәмле бәлеште бешерер өсөн беҙгә түбәндәге ингредиенттар кәрәк буласаҡ.
Ҡурай еләгенән бәлеш
Ҡамырға: 2 стакан он, ярты стакан шәкәр, 150 грамм аҡ май, ярты стакан ҡаймаҡ, 1 балғалаҡ ҡамыр күперткес.
Эслеккә: 350 грамм ҡурай еләге (туңдырылған булһа ла ярай), 1 стакан шәкәр, 1 йомортҡа,1 стакан ҡаймаҡ, 2 ҡалаҡ он.
Ҡаймаҡ, шәкәр, иретелгән аҡ майҙы бергә ҡушып болғатабыҙ ҙа он, күперткес өҫтәп ҡамыр баҫабыҙ. Йәйәбеҙ, шунан ситенән күтәрелеп торорлоҡ итеп (эслеге ағып китмәһен өсөн) табаға урынлаштырабыҙ.
Ҡамырҙың өҫтөнә ҡурай еләктәрен теҙеп сығабыҙ (туңып ирегән булһа, һыуын түгәбеҙ).
Йомортҡаға шәкәр, он, ҡаймаҡ ҡушып, тиҙ-тиҙ хәрәкәттәр менән төйөрҙәре бөткәнсе туғыйбыҙ. Ошо шыйыҡсаны ҡурай еләге өҫтөнә ҡоябыҙ.
180 градус эҫелектәге мейестә 50 минут самаһы бешерәбеҙ. Бәлеште һыуынғас ҡына теләбеҙ.
Сығанаҡ: bashkizi.ru
Фото: russianfood.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
