– Әле лә нисек һәм ниндәй ризыҡ менән туҡланыуың сәләмәтлеккә ҙур йоғонто яһағанын һәр кем яҡшы белә. Элек тә артыҡ майлы аштарҙы зирәк оло өләсәйҙәребеҙ ҡорот менән биргән. Милли ризыҡтарыбыҙ һөт, ит, он аштарынан тора. Бөгөн үткәрелгән асыҡ дәрестәрҙә ошондай мәғлүмәттәр бирелде. Беҙҙең дә уҡыусылар менән уҡытыусылар иғлан ителгән "Милли аш-һыу" акцияһына ихлас ҡушылды, – ти Өфөләге 3-сө гимназияның башҡорт теле һәм әҙәбиәте уҡытыусыһы Фәнгизә Рафаил ҡыҙы Нафиҡова.