Был ризыҡты әҙерләү өсөн 3 - 4 уртаса картуфты таҙартып, тоҙло һыуҙа бешерәбеҙ. Һыуын түгеп, иҙәбеҙ ҙә бер аҙ һыуытып, 1 йомортҡа, 50 грамм аҡ май, 50 грамм сыр, самалап тоҙ, борос, 150 грамм он өҫтәп, ҡамыр баҫабыҙ. Уны бер аҙ ял иттерәбеҙ.
Ҡамырҙы 1 сантиметр ҡалынлыҡта йәйеп, таяҡсалар ҡырҡабыҙ. Уларҙы майлы табаға теҙеп, мейестә, 180 градуста 20 - 25 минут бешерәбеҙ. Майҙа ҡыҙҙырырға ла була.
Табынға үҙегеҙгә оҡшаған соус менән бирегеҙ – яҡындарығыҙ, һис шикһеҙ, бындай таяҡсаларҙы йәнә бешереүегеҙҙе үтенәсәк.
Ашығыҙ тәмле булһын!
Сығанаҡ һәм фото: ejansura.ru