+28 °С
Болотло
Аш-һыу серҙәре
25 Февраль 2023, 16:46
Туҡлыҡлы рафаэлло
Краб таяҡсалары менән тәмле, туҡлыҡлы ғына йомораҡастар эшләгәнегеҙ бармы? 200 грамм ҡаты сыр, 2-3 бешерелгән йомортҡа, 100 грамм краб таяҡсаһы, 2-3 аш ҡалағы майонез, һарымһаҡ, эсенә һалырға сәтләүек йәки зәйтүн емеше кәрәк була.
Туҡлыҡлы рафаэлло
Бешкән йомортҡаны ваҡ ҡырғыстан үткәрәбеҙ. Сырҙы ла ҡырып, салат һауытына һалабыҙ. Самалап тоҙ, майонез һалып, йомортҡа менән сырҙы бутайбыҙ. Теләгегеҙ булһа, 1-2 бүлем иҙелгән һарымһаҡ ҡушығыҙ. Краб таяҡсаларын саҡ ҡына туңдырып, ҡырғыстан үткәрәбеҙ һәм айырым тәрилкәгә һалабыҙ.
Тәүҙә әҙерләгән массанан йомороҡастар яһайбыҙ. Эсенә сәтләүек йәки зәйтүн емеше һалырға мөмкин. Шунан ҡырғыстан үткәрелгән краб таяҡсаларында әүәләйбеҙ. Йәбешмәһә, устарығыҙҙа тағы ла бер тапҡыр әүәләгеҙ.
Рафаэллолар әҙер. Уларҙы һыуытҡысҡа ҡуйып торһаң да була, шунда уҡ табынға ултыртһаң да "йылп" итеп ҡаласаҡ.
Фото: vkusnogotovlu.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
