+24 °С
Ямғыр
Аш-һыу серҙәре
8 Август 2023, 11:05
Ҡыҙыл эремсек менән сочниктар
Ауыҙҙа эреп кенә торған эремсекле сочниктарҙың рецебын һәм бешереү барышы фотоһүрәттәрен беҙгә Учалы районы Ташҡыя ауылынан Зилдә Әхмәҙиә ҡыҙы Мәүлитова ебәргән. Ейәнсәре Рания менән был тәмлекәсте улар ғәҙәттәгесә аҡ эремсек менән түгел, ә ҡыҙылынан (ул яҡтарҙа әжегәй тиҙәр) әҙерләгән.
Ҡыҙыл эремсек менән сочниктар
Шулай итеп, ҡамыр өсөн 300 г он, 125 г аҡ май, 75 г шәкәр ҡомо, 1 йомортҡа, 2 аш ҡалағы ҡаймаҡ, ярты балғалаҡ ҡамыр йомшартҡыс, саҡ ҡына тоҙ алына. Эслеккә 300 г эремсек, тәменә ҡарап шәкәр ҡомо, 1 йомортҡа һарыһы, 1-2 аш ҡалағы он кәрәк. Ҡамыр баҫып, йәйеп, ҙур булмаған түңәрәктәр ҡырҡабыҙ һәм эслекте һалып, 200 градус эҫелектә 20 минут самаһы бешерәбеҙ. Сочниктарығыҙ тәмле булһын!
Ҡыҙыл эремсек менән сочниктар
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
