Маринадланған гөрөздәр

Әҙерләү ысулы:
Яҡшылап йыуабыҙ, эреләрен ваҡлайбыҙ, ваҡтарын шул көйө ҡалдырабыҙ.
Әҙер гөрөздәргә һалҡын һыу, 20 грамм тоҙ һалып, ике тәүлек ултыртып торабыҙ. Һыуын алыштырырға кәрәк.
Ике тәүлек үткәс, һыуын түгеп, яңынан һыу ҡойоп, ҡайнатырға ҡуябыҙ. Ҡайнап сыҡҡас, өҫтөнән күперектәрен алып 20 минут бешерәбеҙ.
 Иләккә һалып,  һалҡын һыу менән сайҡатырға кәрәк.
Маринад әҙерләү ысулы:
Кәстрүлгә һыу ҡойоп тоҙ, лавр япрағы, борос, ҡәнәфер һалып ҡайнатырға ҡуябыҙ.
Маринад ҡайнап сыҡҡас, гөрөздәрҙе һалабыҙ.
20 минут ҡайнатабыҙ.
Ҡайнап сыҡҡас, һеркә өҫтәйбеҙ һәм болғайбыҙ.
Гөрөздәрҙе стерилләнгән банкаларға тултырып, 2 аш ҡалағы үҫемлек майы ҡойоп, ҡапҡастарын ябабыҙ.
Өҫтөнә ҡалын әйбер  ябып, һыуынғансы  тотабыҙ.
Маринадланған гөрөздәрҙе 7 көндән һуң ғына ашарға була.

Сығанаҡ һәм фото: “Файҙалы кәңәштәр” төркөмө.

Фото: А. Ғарифуллина һәм Г. Әҙеһәмова.

Һүрәттә: Гөлназ Әҙеһәмова  үҙе йыйған бәшмәктәре менән.