+12 °С
Ямғыр
Бөтә яңылыҡтар
Ата-әсәләр иғтибарына
19 Декабрь 2019, 15:25
Әсәй ҙә кәрәк, атай ҙа
– Тимур, ә һин Ҡыш бабайҙан нимә һорар инең? Уҡытыусының һорауына яуап биреү урынына малай иланы ла ебәрҙе.
– Бер нәмә лә һорамайым! Яратмайым мин бер байрамды ла, Яңы йылды ла көтмәйем...
Уҡыусыһының быйыл бик күңелһеҙ йөрөүен, уҡыу буйынса ла тырышмауын һиҙеп йөрөй уҡытыусы, атаһы менән әсәһе бергә йәшәмәгәнен дә белә. Нисек йыуатырға һуң?
Тимурҙың, ысынлап та, атаһы улар менән бергә тормағанға кәйефе юҡ. Бүтән синыфташтарын, ана, атайҙары эштән ҡайтышлай машина менән килеп ала. Ә Тимур ҡайһы берҙә мәктәптән яңғыҙ ҡайтырға мәжбүр. Сөнки әсәһе ике урында эшләй, үҙҙәре генә йәшәгәс, аҡса еткерергә кәрәк бит. Атаһы ниңә улар менән бергә тора алмағанын аңлап етмәй малай. Улар бит татыу ғына, бәхетле генә йәшәй ине. Ҡайһы бер ғаиләләр кеүек эсеп, талашҡандары ла булманы. Икеһе лә тыныс холоҡло бит: нимә бүлешә алмағандарҙыр? Улдарынан һорап та торманылар, айырым йәшәй башланылар. Әгәр һораған булһалар, һис шикһеҙ, мин атайлы һәм әсәйле тулы ғаиләлә йәшәргә теләйем, бергә торайыҡ, тип әйтер ине Тимур. Исмаһам, атаһы килеп тә китмәй бит...
Ҡыҙғанысҡа ҡаршы, бөгөн Тимур кеүек балалар аҙ түгел. Атай-әсәйҙәр үҙ мәнфәғәттәрен генә ҡайғыртып, улдарын, ҡыҙҙарын бәхетһеҙ итә. Илебеҙҙә айырылғандар, тарҡалған ғаиләләр күбәйә. Бала тәрбиәләүгә яуапһыҙ ҡарау был.
Киләсәктә, бәлки, айырылышыуҙар кәмер. Сөнки Рәсәй Дәүләт Думаһы депутаттары ғаиләләрҙең айырылыуына бәйле тыйыуҙар индерергә тәҡдим итте. Балалары булған ир менән ҡатын айырылышыу тураһында һөйләй башлаһа, уларҙы мотлаҡ рәүештә психологҡа махсус курстарға йөрөтәсәктәр. Бәлки, уйҙарынан кире ҡайтып, балалары хаҡына ғаиләләрен һаҡлап ҡалырҙар. Күптәр, бындай ҡанун әллә ҡасан кәрәк ине, тип иҫәпләй. Юғиһә, улдарын, ҡыҙҙарын тауар урынына күрә башланылар. Мәҫәлән, Өфөнән Мазовтар үҙ-ара килешә алмай, әсәй кеше, айырылышам, тигәнгә, атайҙары ике балиғ булмаған улын алып сығып китеп юғалды. Уларҙы һаман эҙләйҙәр. Малайҙарҙың ни ғәйебе бар? Өйҙәрен, әсәйҙәрен һағыналарҙыр инде. Иҫән-һауҙар микән? Әле әсәләре Эльмира Мазова атайҙарына, ҡайтығыҙ инде, элеккесә бергә йәшәйәсәкбеҙ, айырылышыу булмаясаҡ, бергәләп Яңы йылды ҡаршыларбыҙ, тип өндәшә лә ул...
Бөтә балалар ҙа ғаилә усағында йылынып, атай-әсәйҙәренән матур өлгө алып үҫһен ине. Юғиһә, ояһында ни күрһә, осҡанында шул булыр, тиелә бит халыҡ әйтемендә.
Уҡыусыһының быйыл бик күңелһеҙ йөрөүен, уҡыу буйынса ла тырышмауын һиҙеп йөрөй уҡытыусы, атаһы менән әсәһе бергә йәшәмәгәнен дә белә. Нисек йыуатырға һуң?
Тимурҙың, ысынлап та, атаһы улар менән бергә тормағанға кәйефе юҡ. Бүтән синыфташтарын, ана, атайҙары эштән ҡайтышлай машина менән килеп ала. Ә Тимур ҡайһы берҙә мәктәптән яңғыҙ ҡайтырға мәжбүр. Сөнки әсәһе ике урында эшләй, үҙҙәре генә йәшәгәс, аҡса еткерергә кәрәк бит. Атаһы ниңә улар менән бергә тора алмағанын аңлап етмәй малай. Улар бит татыу ғына, бәхетле генә йәшәй ине. Ҡайһы бер ғаиләләр кеүек эсеп, талашҡандары ла булманы. Икеһе лә тыныс холоҡло бит: нимә бүлешә алмағандарҙыр? Улдарынан һорап та торманылар, айырым йәшәй башланылар. Әгәр һораған булһалар, һис шикһеҙ, мин атайлы һәм әсәйле тулы ғаиләлә йәшәргә теләйем, бергә торайыҡ, тип әйтер ине Тимур. Исмаһам, атаһы килеп тә китмәй бит...
Ҡыҙғанысҡа ҡаршы, бөгөн Тимур кеүек балалар аҙ түгел. Атай-әсәйҙәр үҙ мәнфәғәттәрен генә ҡайғыртып, улдарын, ҡыҙҙарын бәхетһеҙ итә. Илебеҙҙә айырылғандар, тарҡалған ғаиләләр күбәйә. Бала тәрбиәләүгә яуапһыҙ ҡарау был.
Киләсәктә, бәлки, айырылышыуҙар кәмер. Сөнки Рәсәй Дәүләт Думаһы депутаттары ғаиләләрҙең айырылыуына бәйле тыйыуҙар индерергә тәҡдим итте. Балалары булған ир менән ҡатын айырылышыу тураһында һөйләй башлаһа, уларҙы мотлаҡ рәүештә психологҡа махсус курстарға йөрөтәсәктәр. Бәлки, уйҙарынан кире ҡайтып, балалары хаҡына ғаиләләрен һаҡлап ҡалырҙар. Күптәр, бындай ҡанун әллә ҡасан кәрәк ине, тип иҫәпләй. Юғиһә, улдарын, ҡыҙҙарын тауар урынына күрә башланылар. Мәҫәлән, Өфөнән Мазовтар үҙ-ара килешә алмай, әсәй кеше, айырылышам, тигәнгә, атайҙары ике балиғ булмаған улын алып сығып китеп юғалды. Уларҙы һаман эҙләйҙәр. Малайҙарҙың ни ғәйебе бар? Өйҙәрен, әсәйҙәрен һағыналарҙыр инде. Иҫән-һауҙар микән? Әле әсәләре Эльмира Мазова атайҙарына, ҡайтығыҙ инде, элеккесә бергә йәшәйәсәкбеҙ, айырылышыу булмаясаҡ, бергәләп Яңы йылды ҡаршыларбыҙ, тип өндәшә лә ул...
Бөтә балалар ҙа ғаилә усағында йылынып, атай-әсәйҙәренән матур өлгө алып үҫһен ине. Юғиһә, ояһында ни күрһә, осҡанында шул булыр, тиелә бит халыҡ әйтемендә.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж