+12 °С
Ямғыр
Бөтә яңылыҡтар
Һаулығың - байлығың
18 Март 2020, 13:54
Битлектәр Башҡортостанда тегеләсәк
Башҡортостан Республикаһы Башлығы Радий Хәбиров күрһәтмәһе буйынса коронавирус тураһында көнүҙәк мәғлүмәтте еткереү өсөн көн һайын ике тапҡыр брифинг үткәрелә. Бөгөн нимәләр билдәле булды һуң?
Һаулыҡ һаҡлау министры Максим Забелин белдереүенсә, 18 март иртәһенә ҡарата республикала коронавирус теркәлгән осраҡ юҡ. Әле 48 кеше дауаханала, уларҙың 8-е – балалар. Бөтәһе лә тейешле тикшереү, дауалау курсы үтә. 46-һында яңы вирус юҡлығы иҫбатланған, тағы икәүһенең анализ һөҙөмтәләре билдәле түгел әле.
Әйткәндәй, коронавирусҡа тест табип йүнәлтмәһе менән генә үткәрелә һәм биологик материал алынғас, Өфөләге «Гигиена һәм эпидемиолоия үҙәге»нә тикшереүгә ебәрелә. Бер тәүлек эсендә һөҙөмтә әҙер була, уны дауалаусы табиптан белергә мөмкин. Был процедура, нигеҙҙә, эпидемия таралған илдәрҙән ҡайтҡан кешеләргә ҡағыла.
Башҡортостанда коронавирусҡа ҡағылышлы һорауҙар буйынса ҡыҙыу бәйләнеш телефондары эшләй: 8 (347) 286 58 27, 8(347) 279 91 20. Бер тәүлектә 606 шылтыратыу булған.
Башҡортостан Башлығы идаралығының социаль селтәрҙәрҙәге мөрәжәғәттәр буйынса бүлегенән Гөлназ Кәлимуллина белдереүенсә, халыҡты иң борсоған мәсьәләләрҙең береһе – битлектәр етешмәү. Быға яуап итеп, Максим Забелин үҙебеҙҙең республикала битлектәр сығарыла башлауы тураһында хәбәр итте. Улар Өфөлә «Ағиҙел» башҡорт художество кәсептәре дәүләт унитар предприятиеһында марлянан тегеләсәк, өсәр битлек бергә һалынып, дәүләт аптекаларында һатыласаҡ. Уларҙы 2 – 3 сәғәт кенә ҡулланырға мөмкин. Шунан дезинфекция үткәрелә, йылы һыуҙа һабынлап йыуып, 10 – 15 минут ҡайнатырға, кипкәс, үтекләргә кәрәк.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж