Бөтә яңылыҡтар
Һаулығың - байлығың
12 Апрель 2020, 18:50

"Тажлы вирус" һандарҙа: 12 апрель

Рәсәй ҡулланыусылар хоҡуҡтарын күҙәтеү хеҙмәте мәғлүмәттәре буйынса, 12 апрелгә Башҡортостанда тағы 18 кешелә COVID-19 вирусы барлығы асыҡланған.

Шулай итеп, республика буйынса бөтә сирлеләр һаны 84-кә етте. Уларҙың 62-һе дауаханаларға һалынған. Өфөләге йоғошло ауырыуҙар дауаханаһында - 31, Ҡыуатов исемендәге республика клиник дауаханаһында - 11, Дим районындағы дауаханала - 6 пациент. Тағы Дөртөйлө, Күмертау, Сибай, Октябрьский ҡалаларында һәм Иҫәнғолда - берәр, Бәләбәйҙә - 4, Бөрөлә - 3, Стәрлетамаҡта 2 коронавирус йоҡторған ауырыу дауалана.
Һауығып сыҡҡандар һаны - 7. Тағы 13 кешелә COVID-19 вирусы йөрөткәнлеге асыҡланһа ла сир билдәләре һиҙелмәй. Улар бөтәһе лә өйҙәрендә белгестәр күҙәтеүе аҫтында, тип хәбәр итәләр.
Рәсәйҙә 12 апрелгә ҡарата барлығы 15 мең 770 кешенең яңы коронавирус йоҡторғаны билдәле. Шуларҙың 2 мең 186-һы һуңғы тәүлеккә тура килә. Үлеүселәр һаны - 130. 1 мең 231 кеше һауығып сыҡҡан.
Бөтә донъяла сирлеләр һаны - 1 миллион 787 меңдән ашыу. Үлем осраҡтары - 109 мең 691...
Читайте нас в