-6 °С
Болотло
Бөтә яңылыҡтар
Һаулығың - байлығың
31 Октябрь 2020, 11:36
Таҙалыҡ – сәләмәтлек нигеҙе
Гөлсөм – әрпеш ҡыҙыҡай. Үҙен таҙа һәм бөхтә итеп йөрөтөргә йыш ҡына онота. Танауы еүешләнгәс, кеҫәһендә ҡулъяулығы булһа ла, еңе менән генә һөртөп ҡуя. Өҫ, аяҡ кейемдәре тапланһа ла, иғтибар итмәй. Сәсе туҙышып, күҙҙәренә төшөп йөрөһә лә, бер ҙә йәне көймәй. Тыштан ингәс тә, ашар алдынан да ата-әсәһе иҫенә төшөрөп тормаһа, ҡулдарын йыумай ул. Етмәһә, ҡабат-ҡабат киҫәтһәләр, үпкәләй, кәйефе төшә.
Шулай өлкәндәрҙең әйткәненә ҡолаҡ һалмай йөрөй торғас, эсе ҡапыл ауырта башланы. Баҡһаң, әсәһе яңы ғына магазиндан алып ҡайтҡан емеш-еләкте йыумай ашаған икән. Ярай әле ололар эштең айышына шунда уҡ төшөнөп, кәрәкле дарыу бирҙе. Көндәр саҡ ҡына һыуыта башлап, киҙеү мәле етһә, яҡындарының Гөлсөм өсөн ҡоттары оса. Сөнки үҙен-үҙе ҡарарға яратмаған ҡыҙҙы теге йәки был вирус һағалап ҡына тора. Тыштан кергәс тә ҡулдарҙы, танау эстәрен йыуып, бүлмәһен елләтеп, йыш ҡына дымлы сепрәк менән тәҙрә төптәрен һөртөп торорға, иммунитетты нығытыр өсөн спорт менән даими шөғөлләнергә кәрәклеген белһә, аңлаһа ла, кәңәштәргә иғтибар итмәй. Ялҡауы үҙенең алдынан йөрөй инде. Шуға ла тамағы ауыртып, танауы еүешләнеп, йыш ҡына тән температураһы күтәрелгәнлектән, ул хәлһеҙләнеп ауырып ала.
Әле лә табиптар әйткәнде тыңламаһаң, таҙалыҡ ҡағиҙәләрен үтәмәһәң, үҙең һәм яҡындарыңдың һаулығы, ғүмере өсөн хәүефле мәл. Сөнки тотош планетабыҙ буйлап тажлы вирус хөкөм һөрә. Урамға сыҡҡанда битлек, бирсәткәләр кейеү, социаль аралыҡты боҙмау, ҡайтыу менән ҡулдарҙы яҡшылап йыуыу ҡурҡыныс сирҙән һаҡланып ҡалырға ярҙам итер. Ауырымайыҡ һәм таҙалыҡ сәләмәтлектең нигеҙе икәнен онотмайыҡ, йәш дуҫтарым!
Эльвира ӘЛИМҒОЛОВА, тәрбиәсе.
Өфө ҡалаһы. 180-се балалар баҡсаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж