+10 °С
Облачно
75 лет Победы
Бөтә яңылыҡтар

Ике тапҡыр тест бирәсәктәр

Бөтә донъя һаулыҡ һаҡлау ойошмаһының 21 апрелгә ҡарата мәғлүмәттәре буйынса, Ер шарында коронавирус йоҡтороусылар һаны 141,7 миллионға еткән. Иң күп сирләүселәр - Америка Ҡушма Штаттарында һәм Һиндостанда.

Ҡороғорвирустан бөтәһе 3 миллиондан ашыу кешенең ғүмере өҙөлгән. Был вирус әле һаман сигенмәй әле.
Рәсәй ҡулланыусылар хоҡуҡтарын күҙәтеү хеҙмәте талап итеүенсә, 21 апрелдән Танзаниянан һәм Төркиәнән беҙҙең илгә ҡайтыусылар 5 көн эсендә ике тапҡыр коронавирусҡа тест бирәсәк. Ә 1 майҙан сит илдәрҙән ҡайтыусы һәр кем әлеге кеүек бер түгел, ике тест тапшырасаҡ. Уларҙың араһы 24 сәғәттән кәм булмаҫҡа тейеш. Әйткәндәй, Танзания һәм Төркиә менән авиабәйләнеш 15 апрелдән 1 июнгә тиклем сикләнде, был ул илдәрҙәге коронавирус менән бәйле эпидемиологик хәлдең насарайыуы менән аңлатыла. Туристарҙы махсус рейстар менән ҡайтаралар.