Әйткәндәй, тиҙҙән балалар баҡсаларында, башланғыс синыфтарҙа һаубуллашыу кисәләре буласаҡ. Атай-әсәйҙәргә бөгөнгө эпидемиологик хәлдә байрамға инергә яраймы? Һаулыҡ һаҡлау министры Максим Забелин вакцинаның тәүге этабын үткән йәки вирусҡа ҡаршы антиесеме юғары кимәлдә булған өлкәндәрҙе кисәгә индерергә тәҡдим иткән. Республика Башлығы быны, ғәҙел талап, тип белдергән һәм коронавирус инфекцияһы таралыу менән бәйле юғары әҙерлек тураһындағы ҡарарға ошоға ярашлы үҙгәрештәрҙе өҫтәргә ҡушҡан.