+18 °С
Ясна
Бөтә яңылыҡтар
Һаулығың - байлығың
27 Май 2021, 13:50
Барефутинг нимә ул?
Әллә ниндәй сәйер көндәр бар инде донъяла. Кисә, мәҫәлән, Ялан аяҡ йөрөү көнө булған икән, белмәй ҙә ҡалғанбыҙ.
Ана шул ялан тәпәй йөрөүҙең файҙаһы тураһында һөйләшеп алайыҡ әле. Аяҡ кейеме беҙҙе йәрәхәтләүҙән, өшөүҙән, бешеүҙән, ауырттырыуҙан һаҡлай, ә уны һалһаҡ, беҙ күберәк файҙалы яҡтарын да күрәбеҙ икән. Ҡатаһыҙ йөрөү сустав һәм мускулдарҙағы ауыртыуҙы кәметә, йоҡоһоҙлоҡ, стресс ваҡытында ыңғай тәьҫир итә, имунитетты нығыта, йөрәк тибешен көйләй. Беҙҙең табан аҫтында массаж нөктәләре бар, уларҙың һәр ҡайһыһы билдәле бер орган өсөн яуап бирә. Ялан аяҡ йөрөгәндә, ана шул нөктәләргә массаж яһаған кеүек була ла инде. Әлбиттә, бөтә ерҙә лә ялан тәпәй йөрөү файҙа килтермәй, әйтәйек, кафель йәйелгән иҙән һалҡын булып, һыуыҡ тейергә мөмкин. Көнсығыш медицина белгестәре таш ерҙә оҙаҡ йөрөмәҫкә кәңәш итә, сөнки таш организмдың энергияһын ала. Ә иң ҡурҡынысы – йылытылған иҙән, ти улар. Бындай иҙәндә көнө буйы ялан аяҡ йөрөһәң, сырхауға әйләнергә мөмкин. Сөнки йылы иҙән ҡанды үҙенә тарта, ә был иһә тәндең билдән түбән өлөшөндә ҡан йыйылыуға, төрлө ауырыуҙарға килтереүе мөмкин. Ә ҡайҙа ғына йөрөргә була һуң, тиерһегеҙ. Иң яҡшыһы – ағас иҙән һәм ер, тик бер-ике минут эсендә әллә ни файҙа алып булмай, насар энергияңды сығарыр өсөн кәмендә 40 минут йөрөргә кәрәк.
Европала ялан тәпәй йөрөүҙе барефутинг тип йөрөтәләр. Хәҙер уның файҙаһы тураһында белгәс, һеҙ ҙә барефутинг менән шөғөлләнә башларһығыҙ, шулай бит?
Фото: mamaplus.md
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж