-3 °С
Болотло
Бөтә яңылыҡтар
Бәйгеләр
2 Март 2018, 14:33
Борон-борон заманда…
Баш ҡалабыҙҙа «Һаумы, һаумы, әкиәт!» бәйгеһен үткәреү инде матур бер йолаға әүерелде. Уның бәҫе йылдан-йыл арта, ҡатнашыусылар һаны ла күбәйә бара. Бәләкәс кенә, әле мәктәпкә лә төшмәгән балаларҙың сығышын ҡарау үҙе бер кинәнес. Быйыл да был ярыш матур ғына башланып китте. Бына әле яңыраҡ Өфө ҡалаһының Киров районына ҡараған мәктәпкәсә йәштәге учреждениелар тәрбиәләнеүселәре үҙ-ара көс һынашты.
Башта бәйгелә ҡатнашыусыларҙы һәм тамашасыларҙы республикабыҙҙағы өлгөлө ғаиләләр үҙҙәренең матур сығыштары менән сәләмләне. Зәйнетдиновтар ҡумыҙҙа дәртле бейеү көйҙәрен уйнап, барыһының да кәйефен күтәреп ебәрһә, биш бала тәрбиәләгән Әхмәтшиндәр шәжәрәләре менән таныштырып, йыр һәм бейеү бүләк итте. Ҡолтаевтарҙың сығышы ла тамашасылар күңеленә хуш килде.
Байрам 51-се башҡорт балалар баҡсаһында үтте. Унда финалға сыҡҡан 36 бала төрлө милләт халҡы әкиәттәрен башҡорт телендә һөйләне. Коллектив сығыштар ҙа, яңғыҙ һөйләүселәр ҙә булды. Ә конкурстың маҡсаты – талантлы балаларҙы асыҡлау, башҡорт телен, ғөрөф-ғәҙәтен һаҡлау, әкиәтселәр, сәсәндәр мәктәбен үҫтереү һәм тергеҙеү, үҫеп килеүсе йәш быуында тарихи һәм мәҙәни мираҫҡа һаҡсыл ҡараш тәрбиәләү.
Урыҫ, башҡорт төркөмдәрендә тәрбиәләнеүсе әкиәтселәр коллектив һәм яңғыҙ һөйләү номинацияларында билдәләнде. Уларға дипломдар һәм иҫтәлекле бүләктәр тапшырылды. Бер кем дә мәхрүм ҡалманы.
Телгә һөйөү бәләкәйҙән башлана. Әлегеләй саралар үтеп торғанда, ошондай балаларыбыҙ булғанда бер ваҡытта ла телебеҙ бөтмәйәсәк. Киләсәккә өмөт ҙур.
Х. ХӘСӘНОВА.
Читайте нас:
Редакция һайлауы
Новости партнёров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж