+6 °С
Болотло
Бөтә яңылыҡтар
Бәйгеләр
10 Март 2018, 13:29
«Халыҡ тарихында минең ырыуымдың йылъяҙмаһы»
Шулай тип аталды Рәсәй Федерацияһы һәм Башҡортостан Республикаһының Дәүләт архив хеҙмәтенең 100 йыллығына арналған тикшеренеү эштәре конкурсы. Ул уҙған йыл ойошторолғайны. Әле бына Ғаилә йылында йомғаҡ яһалды.
Шулай тип аталды Рәсәй Федерацияһы һәм Башҡортостан Республикаһының Дәүләт архив хеҙмәтенең 100 йыллығына арналған тикшеренеү эштәре конкурсы. Ул уҙған йыл ойошторолғайны. Әле бына Ғаилә йылында йомғаҡ яһалды.
Тикшеренеү эштәре дүрт номинация буйынса башҡарылды:
– Туғанлыҡ бәйләнешен иң күп тапҡан өсөн;
– Иң тәрән тамырлы йылъяҙма өсөн;
– Йылъяҙмаһын биҙәүгә иң үҙенсәлекле һәм ижади ҡараған өсөн;
– Йылъяҙманы төҙөгәндә ғаилә ҡомартҡыларын ҡулланған өсөн.
Ойоштороу комитеты адресына 30 муниципаль райондан һәм 7 ҡала округынан барлығы 130 заявка килә. Мәктәп уҡыусылары араһында айырыуса Күмертау, Октябрьский, Салауат, Стәрлетамаҡ ҡалалары һәм Бишбүләк, Бөрйән, Борай, Бүздәк, Дүртөйлө, Илеш, Ишембай, Ҡырмыҫҡалы, Көйөргәҙе, Краснокама, Нуриман, Тәтешле, Туймазы райондары әүҙемлек күрһәткән. Бөтә эштәр ҙә эксперт комиссияһы ағзалары тарафынан ныҡлап өйрәнелә һәм II турға иң яҡшы тип табылған 34 ҡулъяҙма һайлап алына.
– Архив эштәре буйынса идаралыҡ һәм республиканың милли архивы тарафынан ҙур эш башҡарылған. Һеҙҙең миссия архив документтарын һаҡлау булһа ла, үҙегеҙҙең өҫтөгөҙгә ҙур яуаплылыҡ алып, бына тигән итеп уны үтәп сыҡтығыҙ. Тикшеренеү эштәре архив сығанаҡтарына нигеҙләнеп башҡарыла һәм һәр нәмәнең дөрөҫлөгө документ менән раҫлана. Ә үҫмерҙәрҙе үҙҙәренең тамырҙарын өйрәнеүгә ылыҡтырыу уларҙа патриотизм тойғоһон тәрбиәләүгә бер аҙым булып тора, – тине Башҡортостан Республикаһы Дәүләт Йыйылышы – Ҡоролтай депутаты Виктор Пчелинцев.
Бөтә эштәр ҙә үҙҙәренең ғаилә тарихын өйрәнеүгә бағышланғайны. Ғаилә йылында был ижади ярышҡа йомғаҡ яһалыуы республикабыҙҙың рухи-мәҙәни тормошонда бер мөһим күренеш булып тора.
Яңыраҡ профсоюздар федерацияһы йортонда еңеүселәрҙе бүләкләү тантанаһы үтте. Беренсе урынға төрлө номинациялар буйынса Гөлсәсәк Носратуллина (Мифтахетдин Аҡмулла исемендәге Башҡорт дәүләт педагогия университетының I курс студенткаһы), Азалиә Замалетдинова (сығышы менән Туймазы районы ҡыҙы, әлеге мәлдә Ҡазан дәүләт сәнғәт институтының II курс студенткаһы), Ильяс Искәндәров (Ишембайҙағы Әхмәтзәки Вәлиди исемендәге 2-се интернат-гимназияһының XI синыф уҡыусыһы), Эльнар Саттаровтар (Өфө урман хужалығы техникумының II курс студенты) лайыҡ булды.
Артабанғы ижади бәйге Башҡортостан Республикаһы барлыҡҡа килеүҙең 100 йыллығына арналасаҡ.
Х. ХӘСӘНОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж