-7 °С
Болотло
VKOKfacebookTikTokInstagram
Бөтә яңылыҡтар
Бәйгеләр
13 Апрель 2018, 15:31

Әкиәтем – ары, үҙем – бире

Совет районының 166-сы башҡорт һәм 205-се балалар баҡсаларында «Һаумы, һаумы, әкиәт!» ҡала конкурсының район кимәлендә һайлап алыу туры үтте.


Әйтергә кәрәк, балаларҙың барыһы ла ныҡ тырышты. Бәләкәстәрҙең төрлө халыҡ әкиәттәрен үҙ телебеҙҙә кинәнеп, матур итеп һөйләүе күңелдәргә май булып яғылды. Бигерәк тә 225-се балалар баҡсаһынан Асия Хөсәйенова хайран итте. Ысын әкиәтсе инде. Башҡорт халыҡ әкиәте «Зөһрә ҡыҙ»ҙы шул тиклем килештереп һөйләне һәм Гран-приға лайыҡ булды. Рә­фис Кәлимуллин (191-се балалар баҡсаһы), Ғайсар Ишеғолов (166-сы), Сафина Фәйзуллина һәм Айлита Йосоповалар ҙа (209-сы) һоҡландырҙы. Коллектив сығыштар ҙа матур булды. Урыҫ халыҡ әкиәте «Теремок» буйынса 234-се балалар баҡсаһының мәктәпкәсә әҙерлек төркөмө бик етди әҙерләнгәйне. Улар жюри тарафынан һәйбәт баһа алып, ярышта артабан көсөн һынаясаҡ.

Хәлиҙә ЧЕМБАРИСОВА.


Өфө ҡалаһы.