-4 °С
Болотло
Бөтә яңылыҡтар
Бәйгеләр
29 Июнь 2018, 17:15
«Байыҡ» рухландыра, сәмләндерә, ҡанат ҡуя
Сәнғәт һөйөүселәр яҡшы иҫләйҙер: бынан 10 йыл элек Башҡортостаныбыҙҙың иң матур урындарының береһе – Күгәрсен районы Мораҙым тарлауығында тәүге тапҡыр балаларҙың «Байыҡ» фестивале үткәрелгәйне. Ошо ваҡыт арауығында конкурс күпме йәш бейеүсегә ҡанат ҡуйҙы. Төрлө йылдарҙа лауреат исемен алған 100-ҙән артыҡ ҡыҙ һәм егет һөнәри уҡыу йорттарында хореографҡа уҡый, 300-ҙән ашыуы республиканың өлгөлө бейеү коллективтарында бейей. Ана шулай «Байыҡ» йөҙәрләгән яңы йондоҙ асты.
Сәнғәт һөйөүселәр яҡшы иҫләйҙер: бынан 10 йыл элек Башҡортостаныбыҙҙың иң матур урындарының береһе – Күгәрсен районы Мораҙым тарлауығында тәүге тапҡыр балаларҙың «Байыҡ» фестивале үткәрелгәйне. Ошо ваҡыт арауығында конкурс күпме йәш бейеүсегә ҡанат ҡуйҙы. Төрлө йылдарҙа лауреат исемен алған 100-ҙән артыҡ ҡыҙ һәм егет һөнәри уҡыу йорттарында хореографҡа уҡый, 300-ҙән ашыуы республиканың өлгөлө бейеү коллективтарында бейей. Ана шулай «Байыҡ» йөҙәрләгән яңы йондоҙ асты.
Малайҙар араһында Гран-при Дүртөйлөнән Айвар Сәмиғуллинға бирелде. Ул «Боронғо башҡорт маршы»н башҡарғайны. Сорғоттан Савелий Функ «Рәсәйҙә башҡорт бейеүен пропагандалаған өсөн» дипломы менән бүләкләнде. Алыҫ Себер ерендә йәшәгән 9 йәшлек малайҙың «Перовский»ҙы бейеүе, ысынлап та, байрамдың бер биҙәге булды. Уның әсәһе Башҡортостан ҡыҙы икән.
«Байыҡ»тың 10 йыллығы айҡанлы үткән сараға Владикавказдан, Әстерхандан, Адыгея һәм Татарстан яҡтарынан да бейеүселәр килгәйне. Уларҙың дәртле бейеүҙәрен дә тамашасылар бик оҡшатты. Ҡунаҡтар I дәрәжәле лауреат дипломдары менән бүләкләнде.
Ә коллективтар араһында кем еңеүсе, тиһегеҙме? Бәләкәй ансамблдәр араһында Учалынан «Ирәмәл» Гран-при алды. Ә тулы ансамблдәрҙән 5 йәшкә тиклемге ҡатнашыусылар араһында – Ғафури районы Красноусолдан «Быҙыбыт», өлкәндәр төркөмөндә Туймазы ҡалаһынан «Сәфәр» иң-иңе булды. Финалға сығыусыларҙың бөтәһенә лә ҡиммәтле бүләктәр тапшырылды. Әлбиттә, йәш бейеүселәрҙе әҙерләүселәр ҙә иғтибар үҙәгендә булды.
Быйылғы бейеү байрамы күптәрҙең хәтерендә оло ваҡиға булып һаҡланыр. Сараны алып барыусылар – Алтынай менән Ләйсән әйтмешләй, «Байыҡ» рухландыра, сәмләндерә, илһамландыра, берләштерә, хыялдарҙы тормошҡа ашыра! Йәшәһен башҡорт бейеүе!
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж