+10 °С
Болотло
Telegram
VK
OK
Бөтә яңылыҡтар
Бәйгеләр
12 Октябрь 2018, 15:36
Иң китап һөйөүсе ғаилә – Аҙнабаевтар!
Иҫәнғолдағы балалар китапханаһында район кимәлендә иғлан ителгән «Иң китап һөйөүсе ғаилә – 2018» конкурсының беренсе туры үтте. Уның төп маҡсаты китапҡа балаларҙы ғына түгел, ә бөтә ғаилә ағзаларын йәлеп итеү ине. Программала үҙ командалары менән таныштырыу, ғаиләнең яратҡан китабына реклама яһау, викторина һорауҙарына яуап табыу, ғаилә күргәҙмәһен тәҡдим итеү һәм башҡа ярыштар ҡаралғайны. «Китаплы ғаилә – бәхетле ғаилә», «Татыу ғаилә – ил күрке», «Берҙәмлектә – көс» девиздары менән Аҙнабаевтар, Кинйәбулатовтар, Ишбирҙиндәр бәйгелә көс һынашты.
Иҫәнғолдағы балалар китапханаһында район кимәлендә иғлан ителгән «Иң китап һөйөүсе ғаилә – 2018» конкурсының беренсе туры үтте. Уның төп маҡсаты китапҡа балаларҙы ғына түгел, ә бөтә ғаилә ағзаларын йәлеп итеү ине. Программала үҙ командалары менән таныштырыу, ғаиләнең яратҡан китабына реклама яһау, викторина һорауҙарына яуап табыу, ғаилә күргәҙмәһен тәҡдим итеү һәм башҡа ярыштар ҡаралғайны. «Китаплы ғаилә – бәхетле ғаилә», «Татыу ғаилә – ил күрке», «Берҙәмлектә – көс» девиздары менән Аҙнабаевтар, Кинйәбулатовтар, Ишбирҙиндәр бәйгелә көс һынашты.
Аҙнабаевтар үҙҙәре яратып уҡыған әҫәрҙәренең исемлеген төҙөгән. Ҙур ҡыҙҙары Мостай Кәримдең «Беҙҙең өйҙөң йәме»н яратһа, бәләкәстәренә Шарль Перроның «Ҡыҙыл кәләпүш»е оҡшай. Әйткәндәй, икәүһе был әкиәт буйынса бик ҡыҙыҡ видеофильм төшөргән. Хатта дүрт йәшлек Зәлифәгә лә төп ролде ышанып тапшырғандар. Ул бик килештереп уйнап, тамашасы һөйөүен яуланы. «Ғаилә тормошо күп томлы мауыҡтырғыс роман кеүек, ә күп балалы ғаиләнең һәр бер көнө үҙе бер ҡыҙыҡлы хикәйә һымаҡ. Китап – ғаиләбеҙҙең яҡын дуҫы, кистәрен беҙ бергәләп уҡырға яратабыҙ», – ти алты бала әсәһе Земфира Мансур ҡыҙы Аҙнабаева.
Бәйгелә ҡатнашыусы Кинйәбулатовтар ғаиләһе «Ете ҡыҙ» риүәйәтен үҙҙәренең иң яратҡан китабы тип тәҡдим итте. Лениза Рәйес ҡыҙы уның бер варианты менән таныштырҙы, ә Айниза ҡыҙҙары ошо әҫәргә бағышлап үҙе яҙған шиғырын уҡыны. Уларҙың ғаиләһендә һәр кемдең яратҡан шөғөлө бар — атаһы техника менән мауыҡһа, әсәһе профессиональ кимәлдә косметика һатыу менән шөғөлләнә, ҡыҙҙары һүрәт төшөрөргә әүәҫ, ә кескәй һеңлеләре йырсы булырға әҙерләнә икән!
Ғаилә башлығы Денис Ишбирҙин ҡырҙа эштә булыу сәбәпле, бәйгелә дилбегәне үҙ ҡулдарына алған тормош иптәше Гәүһәр Юлай ҡыҙына һәм ҡыҙҙары-йондоҙҙары – Алтынай менән Динараға: «Афарин!» – тиергә генә ҡала. Сөнки конкурстар араһындағы тәнәфестәрҙә улар концерт номерҙары ҡуйып, бейене, үҙҙәре яҙған шиғырҙарын да һөйләне. Бәйгегә был ғаилә «Урал батыр» эпосын әҙерләгән. Улар, был әҫәрҙе һәр бер башҡорт ғаиләһе белергә тейеш, тип һанай. Конкурсанттар күргәҙмә лә әҙерләп килтергән. Уның аша көс һынашыусыларҙың тормошо, шөғөлдәре, яратҡан китаптары буйынса төшөрөлгән һүрәттәре, ҡул эштәре менән танышырға була ине.
Бәйгенең аҙаҡҡы төрө – ижади викторина. Ғаиләләрҙең ярышып, төрлө һорауҙарға дөрөҫ яуап биреүҙәре лә күп китап уҡыуҙарының һөҙөмтәһелер. Йомғаҡ яһағас, «Иң китап һөйөүсе ғаилә – 2018» конкурсының икенсе турына үтеүсе – Аҙнабаевтар ғаиләһе, тип иғлан ителде. Кинйәбулатовтар «Иң татыу китап уҡыусы ғаилә – 2018», ә Ишбирҙиндәр «Иң ижади китап уҡыусы ғаилә – 2018» номинацияларына лайыҡ булды.
Әлиә АЛТЫНСУРИНА, балалар китапханаһы хеҙмәткәре.
Ейәнсура районы.
Читайте нас:
Редакция һайлауы
Матбуғат
17 Май , 10:58
Яҙыл да бүләк от!
Повестар
Ҡайын һуты
Бала тараҡандың мыйыҡ уйнатҡаны...
Ҡунаҡ малай
Конкурстар
«Ҡышҡы әкиәт»
«Ҡоштарға ашхана»
«Беҙ — Бала саҡ иленән»
Гәзитебеҙ - дуҫыбыҙ
Алтынсылар “Йәншишмә”гә яҙылды
Нисек ҡыуанғанымды күрһәгеҙ!
Йөҙ һум аҡсаң булғансы, йөҙ дуҫың булһын
Хикәйәләр
Һунарсы терпе
“Смотрильщик”
Ауылымдың аҡ өйҙәре
Фильмдар
"Тыуған көн"
Елғыуар
Салауат Юлаев
Әкиәттәр
Ҡуян менән Төлкө
Тыңлауһыҙ төлкө балаһы
Суҡлыҡайҙың ҡурсаҡтары
Тестар
Кемдең дуҫы кем?
Географияны яҡшы беләһеңме?
Йыһанды беләһегеҙме?
Күңелдәрҙең иләҫ-миләҫ сағы
Трамвайҙағы танышыу
Һиңә тиң түгел, тигәндәр...
Бергә була алманыҡ...